Devalvacyja biełaruskaha rubla adbyvajecca pad kantrolem Nacyjanalnaha banka, zajavili BiełaPAN ekśpierty, kamientujučy rost kursu dołara za apošni tydzień.
«Płaŭnaje asłableńnie kursu nie padobna na rynačnyja pavodziny. Vopyt biržavoha handlu śviedčyć pra toje, što dla rynku moža być ułaścivaja vysokaja vałatylnaść. Zdajecca, Nacbank, uličvajučy niaŭstojlivyja devalvacyjnyja čakańni, zhładžvaje vahańni kursu», — miarkuje staršy analityk Forex Club Valeryj Pałchoŭski. Na dumku ekanamista, hałoŭnaja pryčyna płaŭnaj devalvacyi rubla — paharšeńnie handlovaha bałansu.
Padobnaha punktu hledžańnia prytrymlivajucca i inšyja ekśpierty. U jakaści jašče adnaho faktara, jaki padšturchoŭvaje kurs dołara ŭvierch, naziralniki nazyvajuć niezbałansavanuju palityku ŭ śfiery dachodaŭ.
«Niezbałansavanaść na ŭnutranym rynku sioleta vyjaviłasia ŭ apieradžalnym roście zarpłat u paraŭnańni z pradukcyjnaściu pracy», — adznačyŭ namieśnik staršyni Biełaruskaj
Adnak klučavyja pryčyny asłableńnia kursu nacvaluty, ličyć ekśpiert, źviazanyja sa źnižeńniem sioleta ekspartu.
U 2012 hodzie, nahadvaje Hryc, ekspart udavałasia padtrymlivać na vysokim uzroŭni dziakujučy «rastvaralnikam». «Jak tolki syšli takija rukatvornyja ekspartnyja pazicyi, jak rastvaralniki, źjavilisia prablemy z ekspartam», — skazaŭ jon.
Ekśpierty ličać, što na valutnym rynku admoŭna adbivajecca i kalijny skandał, jaki ŭpłyvaje na rozumy nasielnictva i pavodziny pradpryjemstvaŭ. «Siońnia ŭžo zrazumieła, što ŭ novych umovach vyručka za košt ekspartu kalijnych uhnajeńniaŭ pamienšycca, što stvoryć dadatkovy nacisk na rubiel. Ekanamičnyja ahienty, mahčyma, pačynajuć užo pierastrachoŭvacca, što moža adbivacca na ich pavodzinach na valutnym rynku», — ličyć ekśpiert Biełaruskaha ekanamičnaha
Da kanca hoda kurs dołara moža skłaści 9.300 rubloŭ, miarkuje Valeryj Pałchoŭski. «Uličvajučy stupień devalvacyi ŭ apošnija miesiacy, my ekstrapaliravali hetuju situacyju na 90 dzion napierad. U nas atrymałasia, što da 1 śniežnia kurs dołara moža być na ŭzroŭni 9.300 rubloŭ», — patłumačyŭ jon.
Hieorhij Hryc čakaje bolšaha značeńnia kursu: «Aptymistyčny scenaryj — 9.500 rubloŭ za dołar u kancy hoda, piesimistyčny — 10.000.
Biez devalvacyi vyratavać pramysłovaść u karotkaterminovym pieryjadzie dastatkova składana».
«Kali Nacbank budzie aryjentavacca na ŭzrovień devalvacyi rasijskaha rubla, kurs dołara ŭ kancy hoda moža skłaści 9.400 rubloŭ. Adnak, uličvajučy inflacyjnyja i devalvacyjnyja čakańni nasielnictva, u Nacbanka jość padstavy niekalki strymlivać kurs dołara i nie davodzić jaho da hetaj adznaki», — zajaviła Kaciaryna Barnukova.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary