Na Viciebščynie zabili žyviołu-mutanta, jakaja napadała na karoŭ + fota
21 lipienia na pašy kala ahraharadka Prudniki, što ŭ Dokšyckim rajonie, rabotniki małočna-tavarnaj fiermy zabili nieviadomuju žyviołu, jakaja napadała na karoŭ i cialataŭ.
Pra heta paviedamili ŭ rajadździele pa nadzvyčajnych situacyjach.
Ratavalniki raskazali, što žyvioła napadała na karoŭ i cialataŭ, kusajučy ich za nohi.
Zabituju istotu zabraŭ i pieravioz na terytoryju vieterynarnaj stancyi hałoŭny vieterynarny ŭrač Dokšyckaha rajona Aleś Sałaŭjoŭ. Jon raspavioŭ:
«Heta žyvioła — samaja drobnaja z traich joj padobnych, jakich bačyli la Prudnikaŭ. Jašče dźvie ŭciakli».
Aleh Sałaŭjoŭ nie moža nazvać dakładna vid žyvioły. Havoryć, što i palaŭničyja spračajucca: chto b heta moh być.
Palaŭnictvaznaviec Dokšyckaj rajonnaj arhanizacyjnaj struktury Biełaruskaha tavarystva palaŭničych i rybałovaŭ Dzianis Paŭłovič vykazaŭ zdahadku, što heta mutant niejkaha vidu. «Ja bačyŭ trup hetaj žyvioły na terytoryi vietstancyi. Ciažka skazać, chto b heta moh być. Dumaju, mutant niejkaha vidu.
Dla mianie tak na hijenu padobna. Niešta ŭ joj lisinaje, niešta ad janota, niešta ad sabaki».Hałoŭny vieterynarny ŭrač Dokšyckaha rajona Aleh Sałaŭjoŭ nie bačyć siensacyi ŭ hetym vypadku i źbirajecca prosta spalić trup žyvioły.
***
Trup mutanta spalili, a chto heta byŭ, nie daviedalisia
Na žal,
«Hetamu trupu ŭžo try dni. Tamu jaho ŭtylizavali», — paviedamiŭ sumnuju navinu namieśnik hałoŭnaha ŭrača Dokšyckaj rajonnaj vieterynarnaj stancyi Viktar Sakovič.
Samaje cikavaje, što bijałahičny vid, da jakoha naležyć zabitaja pačvara, tak i nie vyśvietlili. Sakovič pryznaŭsia,
što «nie bačyć u zdareńni ničoha dziŭnaha».
Adnak šanc daviedacca, ci naležaŭ trup hijenie, chvoramu sabaku, niezvyčajnamu mietysu ci mistyčnaj čupakabry usio ž jość. Sakovič raskazaŭ, što dastaŭlenaja na vietstancyju istota «była niečym kštałtu ščaniuka».
«A niekalki darosłych asobinaŭ žyvyja i ŭciakli ŭ les», — skazaŭ vieterynar.
Kiryła Chilko
Tym časam Jeŭraradyjo paviedamlaje, što va Ukrainie zastreliŭ «čupakabru» uładalnik nievialikaj haspadarki.
Jon adrazu pieradaŭ trup žyvioły bijołaham, jakija i vyśvietlili, što «čupakabra» nasamreč źjaŭlajecca janotapadobnym sabakam.
«Heta małady samiec janotapadobnaha sabaki», — biezapielacyjna zajaviŭ doktar bijałahičnych navuk prafiesar Taŭryčaskaha ahrotechnałahičnaha univiersiteta Anatol Vołach.
Janotapadobnaha sabaku stali razvodzić u SSSR u kałhasach ŭ 1939 hodzie, jon maje vielmi dobry miech.A kali pačałasia Vialikaja Ajčynnaja vajna, usich žyvioł vypuścili ŭ naturalnyja pryrodnyja ŭmovy. Janotapadobny sabaka — drapiežnik, ale siłkujecca i raślinnaj ježaj. Nie hrebuje taksama padallu i charčovymi adkidami.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary