Kamitetam dziaržaŭnaj biaśpieki padčas praviadzieńnia mierapryjemstvaŭ pa naviadzieńni paradku ŭ budaŭničaj halinie vyjaŭlena i spyniena supraćpraŭnaja dziejnaść hrupy asob ź liku kiraŭnikoŭ, supracoŭnikaŭ Biełaruskaha respublikanskaha sajuza spažyvieckich tavarystvaŭ (Biełkaapsajuz) i pradstaŭnikoŭ kamiercyjnych struktur, jakija zajmalisia vymahalnictvam chabaraŭ za pradastaŭleńnie abjomaŭ rabot na abjektach spažyŭkaapieracyi, a taksama prodaž inviestaram ziamielnych učastkaŭ i abjektaŭ nieruchomaści.
Pamiery chabaraŭ, jakija patrabavalisia da pieradačy za pradastaŭleńnie mahčymaści budaŭnictva i prodažu nieruchomaści, dasiahali $ 500 tys.
Pry pieradačy čarhovaj častki chabaru zatrymanyja staršynia Biełkaapsajuza S.Sidźko, načalnik upraŭleńnia kapitalnaha budaŭnictva Biełkaapsajuza D.Kałodziezny, namieśnik načalnika ŭpraŭleńnia kapitalnaha budaŭnictva Biełkaapsajuza E.Sizuk, a taksama pradstaŭniki kamiercyjnych struktur.
«U dačynieńni da zhadanych asobaŭ zaviedziena 5 kryminalnych spraŭ pa prykmietach złačynstvaŭ, praduhledžanych art. 430 i 431 KK Respubliki Biełaruś. Padazravanyja źmieščany ŭ SIZA», — raspaviali ŭ KDB.
Kamientary