Karova pa mianušcy Hruša z vučebnaj haspadarki Biełaruskaj dziaržaŭnaj sielskahaspadarčaj akademii ŭ Horkach pieramahła ŭ konkursie «Biełfierma», jaki prachodziŭ u ramkach mižnarodnaj śpiecyjalizavanaj vystavy«Biełahra-2013» .
Sioleta biełaruskija fiermierskija haspadarki ŭpieršyniu praviali konkurs na lepšuju karovu. I ŭ im pieramohu atrymała horackaja karova hałštynskaj parody.
«Hadoŭlaj plemiannych žyvioł hałštynskaj parody my zajmajemsia ŭžo kala 15 hadoŭ. Heta vielmi pierśpiektyŭnyja vysokaŭdojnyja karovy.
Asabisty rekord Hrušy, naprykład, bolš za 47 litraŭ małaka ŭ dzień!— kaža dyrektar haspadarki Mikałaj Błachin. — Tamu my nikoli nie škadavali hrošaj, u tym liku i na zakupku śpiermy dla abnasieńvańnia karoŭ u Kanadzie.
Hruša zdoleła pieramahčy 24 kankursantak, a ŭznaharodzili jaje rodnuju haspadarku hrašovaj premijaj i dvuma pierasoŭnymi dailnymi ŭstanoŭkami firmy «Viestfalija».
Kamientary