U Minsku zatrymanyja lidar pradprymalnikaŭ Anatol Šumčanka i troje žurnalistaŭ
Staršynia RHA «Pierśpiektyva» Anatol Šumčanka zatrymany supracoŭnikami milicyi pa šlachu ŭ handlovy centr «Parkinh» u Minsku.Jak paviedamiŭ aktyvist «Pierśpiektyvy» Viačasłaŭ Pilipuk, zatrymańnie adbyłosia kala 12.30. Razam z Šumčankam zatrymanyja karespandent «Radyjo Svaboda» Ihar Karniej i jašče dva žurnalisty. Pa infarmacyi «Biełaruskaj asacyjacyi žurnalistaŭ», adzin ź ich — žurnalist haziety «Narodnaja vola» Aleś Sivy, žurnalistka Tut.by Natalla Kaściukievič.
Jak raspavioŭ Pilipuk, Šumčanka razam z žurnalistami jechaŭ da HC na mašynie ad rynku «Ždanovičy». Pa šlachu aŭtamabil spynili supracoŭniki, jak miarkujecca, Savieckaha RUUS. Ciapier Šumčanka nie vychodzić na suviaź i nie adkazvaje na zvanki.
Nahadajem, 27 červienia na rynkach i ŭ handlovych centrach Biełarusi adbyvajecca adnadzionnaja zabastoŭka pradprymalnikaŭ,jakija vystupajuć suprać uviadzieńnia 1 lipienia patrabavańniaŭ techničnaha rehłamientu Mytnaha sajuza «Ab biaśpiecy lohkaj pramysłovaści». Rašeńnie pravieści papieradžalny strajk pradstaŭniki małoha i siaredniaha biźniesu pryniali na forumie pradprymalnikaŭ 24 červienia ŭ Minsku, arhanizavanym RHA «Pierśpiektyva».
Pradprymalnickija strajki prachodziać u Mahilovie, Homieli, Połacku, Kaściukovičach i Baranavičach. U Minsku, pavodle jaho infarmacyi, začynienyja jak minimum niecharčovyja šerahi rynku «Ždanovičy» i HC «Parkinh».
Siońnia ranicaj na «Ždanovičach» adbyŭsia schod kala 400strajkoŭcaŭ-pradprymalnikaŭ , jakija abmierkavali biahučuju situacyju razam z kiraŭnictvam rynku i načalnikam adździeła handlu i pasłuh administracyi Centralnaha rajona Minska Natallaj Chmialnickaj.
Prykładna ŭ 11.40, paśla zaviaršeńnia schodu na «Ždanovičach» da Šumčanki, pavodle jaho słoŭ, padyšoŭ namieśnik načalnika Centralnaha RUUS Minska Šaramiećjeŭ i prapanavaŭ jamu prajści ŭ milicejski punkt, raźmieščany na terytoryi rynku, dla razmovy.
Šumčanka pacikaviŭsia, ci zatrymlivajuć jaho, na što supracoŭnik milicyi adkazaŭ admoŭna. Paśla hetaha Šumčanka admoviŭsia pajści ź im i razam z žurnalistami pakinuŭ rynak.
Paśla 14:00 žurnalistaŭ adpuścili.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary