Maci Volha Hajdukova paviedamiła, što sud nad jaje synam budzie praciahnuty ŭ paniadziełak. Tak joj skazali advakaty Andreja.
Jany paviedamili, što chłopiec trymajecca spakojna, ale pa-raniejšamu nie zusim zdarovy: havaryć nie moža praz kašal, paviedamlaje Radyjo Svaboda.
U nastupny paniadziełak u sudzie buduć dapytvać śviedkaŭ. Vykliku ŭ sud u jakaści śviedki spadarynia Hajdukova tak i nie dačakałasia.Jana rychtavałasia jechać u Viciebski abłasny sud, atrymaŭšy pozvu. Ale ciapier havoryć, što pajedzie ŭ Viciebsk navat kali sudździ nie zachočuć słuchać jaje śviedčańni.
Pra toje, što vyrak Andreju Hajdukovu budzie začytany publična, i naprykancy ŭ sud puściać usich, maci padsudnaha skazała tak:
«Heta ŭžo nie budzie mieć nijakaha značeńnia. Kali ludziam nie dali pasłuchać usio ad pačatku, a potym prosta pračytajuć vyrak, to nichto tak i nie daviedajecca, u čym ža vinavaciać Andreja, za što jaho ličać špijonam. Jak vieryć tamu, što my pačujem? Jak ličyć prysud abhruntavanym, kali pa sutnaści ničoha nie viadoma? Navošta było rabić z hetaha sudu takuju tajamnicu?»
Sud nad Andrejem Hajdukovym pačaŭsia ŭ sieradu, 12 červienia. Praces prachodzić za začynienymi dźviaryma.
23-hadovy Andrej Hajdukoŭ, jaki pracavaŭ apierataram na Navapołackim NPZ «Naftan», byŭ zatrymany 8 listapada 2012 hoda; pavodle viersii śledstva — «u momant zakładki tajnika sa źviestkami, jakija cikaviać zamiežnyja śpiecsłužby». Paśla zatrymańnia jaho pieraviali ŭ śledčy izalatar KDB u Minsk. Potym maładoha čałavieka nieadnarazova pieravozili ź Minska ŭ Viciebsk i nazad.
Pa art. 356 Kryminalnaha kodeksa (zdrada dziaržavie ŭ formie praviadzieńnia ahienturnaj dziejnaści) Hajdukovu pahražaje ad 7 da 15 hadoŭ pazbaŭleńnia voli.
Andrej Hajdukoŭ źjaŭlajecca lidaram niezarehistravanaha hramadskaha ab`iadnańnia «Sajuz maładych intelektuałaŭ» i aktyvistam arhkamiteta pa stvareńni partyi «Biełaruskaja chryścijanskaja demakratyja» (BCHD).
-
Stała viadoma, pa jakim artykule asudzili žychara Śvietłahorska, zatrymanaha pa viartańni ŭ Biełaruś
-
U Minsku DAI masava spyniaje kiroŭcaŭ karšerynhu
-
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Kamientary