Učora Alaksandr Łukašenka padpisaŭ ukaz № 257 «Ab asobnych pytańniach arhanizacyi i praviadzieńnia
Ciapier ab mahčymaści pasłuchać tych ci inšych muzykaŭ ci ŭbačyć śpiektakl buduć aficyjna rašać dziaržaŭnyja ideołahi. «NN» spytałasia ŭ biełaruskich muzykaŭ, jak jany aceńvajuć novy ŭkaz i jaho mahčymyja nastupstvy.
Viktar Šałkievič: «Što tut kamientavać, tut i tak daŭno ŭsio jasna. Rehłamientacyja kulturnickaha žyćcia nikoli nie davodziła da dobraha. Vy ž nie možacie zahadać usim kvietkam raspuścicca 1 krasavika. Tak i z mastactvam — jano budzie transfarmavacca ŭ farmat, naprykład, kvaternikaŭ ci vyradžacca».
Źmicier Vajciuškievič: «Ułasna na tvorčaści majoj hety ŭkaz nie adabjecca — hetaha mnie nie pieraškodziać rabić. I jak ja ŭžo 2 hady zapar nie mahu arhanizoŭvać kancerty, tak i naŭrad ci zmahu zaraz. Dla takich vykanaŭcaŭ, jak ja ničoha novaha hety ŭkaz nie pryniasie, jak u toj pieśni: „Usio budzie, jak było“. Lepš dyk dakładna nie stanie. Horš — mabyć».
Alaksandr Kulinkovič: «Jak sumlenny hramadzianin, ja pabojvajusia ŭsich ukazaŭ, što ŭ nas vydajuć, asabliva kali jość mahčymaść viartańnia «čornych śpisaŭ». Hetyja čornyja śpisy mocna ŭdaryli pa mnie jak pa muzyku, i ŭ mianie ŭžo na hienetyčnym uzroŭni zamacavaŭsia žach pierad imi.
Sam pa sabie hety ŭkaz dobry. Rehłamientacyja hastrolnaj dziejnaści isnuje ŭ mnohich krainach. Adnak kali vonkava jon vyhladaje narmalna, zrazumieła, nie fakt, što jon budzie vykonvacca demakratyčna. Naŭrad ci taki ŭkaz pamienšyć kolkaść zamiežnych vykanaŭcaŭ u Biełarusi i dapamoža miascovym. Ale jon moža stać novym instrumientam zabarony.
Pa vialikim rachunku, u nas vydatna zabaraniajuć i biez ukazaŭ. Jak u situacyi z «čornymi śpisami». Usie admaŭlajuć ich isnavańnie, čynoŭniki ad ich adchryščvajucca, ale ŭsio roŭna rašeńni prymajuć na miescy. Dyk i z hetym ukazam usio adno ŭsio budzie vyrašacca na miescach. Zabaranić možna kaho zaŭhodna, ułada zaŭsiody znojdzie pryčynu, čamu vy zabaronieny. I heta nie tolki ŭ Biełarusi. A sam ukaz ja aceńvaju pazityŭna».
«Čorny śpis» prajekt Siarhieja Hudzilina
Kamientary