Najbujniejšaje vydańnie Polščy Gazeta Wyborcza źviarnuła ŭvahu na prablemu la polskich konsulstvaŭ u Biełarusi. Pa padlikach haziety, letaś biełaruskija chakiery zarabili niekalki miljonaŭ dalaraŭ, błakujučy elektronnuju sistemu rehistracyiJe-konsulat i dapamahajučy zarehistravacca na atrymańnie vizy.
Pavodle infarmacyi haziety ŭ prablemie zamiašanyja i biełaruskija śpiecsłužby. Supracoŭnik polskaha MZS Marcin Basacki pryznaŭ, što im dobra viadoma pra hetuju prablemu, ale biełaruski bok admaŭlajecca ad supracoŭnictva, tamu ŭ spravie vydačy vizaŭ pakul nielha čakać źmienaŭ.
Sp. Basacki adznačyŭ, što Polšča štohod vydaje 350 tys. viz biełarusam, takim čynam kožny konsuł štodnia vydaje pa 110 vizaŭ. A na pavieličeńnie kolkaści konsułaŭ biełaruskija ŭłady nie pahadžajucca.
Źmienšyła b popyt i adkryćcio małoha pamiežnaha ruchu, pahadnieńnie ab jakim błakuje biełaruski bok, miarkuje Basacki i pryvodzić prykład Ukrainy, dzie najaŭnaść novych konsulstvaŭ u Adesie, Vińnicy, Sievastopali istotna źmienšyli čerhi.
Supracoŭnik MZS abvierh čutki pra toje, što byŭ uzłamany servisE-konsulat .
«Uzłomu servisu MZS nie było. Nijakija dadzienyja nie byli skradzienyja. Viedajem zatoje, što hienierujucca šmatlikija skrypty, dasyłajecca na server mnostva zapytańniaŭ, što uskładniaje pracu.
Nie majem niepasrednych dokazaŭ, što dziejničajuć arhanizavanyja hrupoŭki, ale kali terminy na vizity pradajucca, dyk možam tak śćviardžać.My zmahajemsia z hetym. Pavialičvajem prapuščalnaść
Basacki taksama rašuča adkinuŭ čutki pra chabarnictva ŭ polskich konsulstvach.
«Niama dokazaŭ. Usie konsulstvy kantralujucca. Pa łohicy: kali b vydača vizy zaležyła ab chabaru, dyk było b bolš admovaŭ.Konsulstvy ŭskładniali b umovy atrymańnie vizy, kab prymusić da chabaru. Tymčasam admovy minimalnyja, a ličba vizaŭ raście».
-
U Krupskim rajonie treci tydzień šukajuć źnikłuju žančynu. Pošuki vyjšli na masavy ŭzrovień
-
Siłaviki stvaryli ŭ sacsietkach akaŭnt ad imia pamierłaj babuli dobraachvotnika, jaki zmahajecca za Ukrainu
-
«Z zaradkami ŭsio z samaha pačatku pajšło nie tak». Biełarus raskazaŭ, jak jeździŭ na elektrakary ź Minska ŭ Taškient
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary