Čałaviek, jakoha dapytvali FBR ŭ suviazi z vybuchami ŭ Bostanie, byŭ zastreleny ŭ Arłanda, štat Fłaryda, paśla taho jak jon napaŭ na fiederalnych ahientaŭ, paviedamlaje Bi-Bi-Si sa spasyłkaj na telekanał Si-bi-es.
Pa najaŭnych dadzienych, heta 27-hadovy Ibrahim Tadašaŭ. Jak piša hazieta Orlando Sentinel, cieła apaznaŭ jaho siabar.
Razam ź inšym mužčynam jaho dapytvali, jak miarkujuć, z-za znajomstva z Tamierłanam Carnajevym, adnym z padazravanych u vybuchu na marafonie ŭ Bostanie. Jość źviestki, što Tadašaŭ kantaktavaŭ z Carnajevym niezadoŭha da vybuchaŭ, jeździŭ u Bostan dla sustrečy z Carnajevym, a taksama płanavaŭ pajezdku ŭ Čačniu.
Pavodle infarmacyi karespandenta Si-bi-es, jaki znachodzicca na miescy padziej, streły pačulisia nieŭzabavie paśla nočy pa miascovym časie ŭ kvatery, dzie pražyvaŭ Tadašaŭ. Hetamu papiaredničała svarka pamiž im i ahientami FBR, padčas jakoj Tadašaŭ nibyta napaŭ na adnaho ź ich. Adzin z supracoŭnikaŭ FBR u intervju telekanału Local 6 paćvierdziŭ fakt hibieli padazravanaha.
Tamierłan Carnajeŭ byŭ zabity ŭ pierastrełcy z palicyjaj praź niekalki dzion paśla vybuchaŭ u Bostanie. Jaho brat byŭ zatrymany na nastupny dzień.
Kamientary