Śviatłana Kul-Sialvierstava pra zvalnieńnie Viačasłava Švieda: «Nie pa toj celi bjuć!»
Prafiesar kafiedry archieałohii i etnałohii HrDU Śviatłana Kul-Sialvierstava raskazvaje, u čym možna šukać parušeńni konkursnaj pracedury, a taksama pra toje, čamu ŭdar pa prafiesaru Viačasłavu Šviedu adabjecca pieradusim na mižnarodnym prestyžy ŭniviersiteta.
— Vy zajaŭlajecie, što konkurs na pasadu prafiesara, jaki nibyta nie prajšoŭ Viačasłaŭ Švied, praviedzieny z parušeńniami. U čym jany zaklučajucca?
— Farmalna ŭsio vytrymana byccam biezdakorna, mianie ž vybirali pa toj samaj pracedury. Ale łahična, što kali vynik konkursu admoŭny dla pretendenta, to Rada musić zadać pytańni, patłumačyć pretenzii i dać vykazacca. Ale da Švieda pytańniaŭ i zaŭvah nie było, a vynik abviaścili ŭ samym kancy i adrazu zakryli pasiedžańnie. Heta možna ličyć maralnym parušeńniem.
Usie pačali ŭstavać ź miescaŭ i, jak mnie padałosia, chucieńka pabiehli da vychadu. Viačasłaŭ paprasiŭ słova, ale vykazacca jamu tak i nie dali. Potym jon padyšoŭ da rektara na pryvatnuju razmovu.
— Nakolki realna ciapier asprečyć vyniki konkursu?
— 50/50 — usio całkam zaležyć ad administracyi. Darečy, dekan Danskich nie zusim dobra vykazaŭsia pra Švieda, ale vyklučna ŭ tym kantekście, što praz nahruzku pa kiravańni kafiedraj jon nie mieŭ dastatkova času dla navukovaj pracy, u tym liku z aśpirantami.
— Jak mahła b vyhladać pracedura asprečvańnia vynikaŭ konkursu?
— Viačasłaŭ moža skazać, što maje prava na apielacyju, bo jamu nie dali vykazacca i nie vystavili pretenzij. U suviazi z hetym jon moža prasić pravieści konkurs paŭtorna. Ale, jak ja ŭžo skazała, dalej usio zaležyć ad administracyi.
— Jakija nastroi siarod vykładčykaŭ? Jak uspryniali padzieju prysutnyja na Radzie?
— Abureńnie było, biezumoŭna. Mnie dyk naohuł movu zaniało, ja siadzieła pobač sa Słavam. Kali bolšaść adrazu ŭciakła, to hrupka z 8–10 vykładčykaŭ, u tym liku prafiesura, zastałasia ŭ zale i hučna aburałasia.
Heta ž sapraŭdny absurd! Ja viedaju Słavu 25 hadoŭ, my razam byli ŭ adnaho navukovaha kiraŭnika. Jon nie palityk, a akademist. Jon apantany navukaj i Haradzienščynaj, jon pahružany ŭ navuku. Heta sens jaho žyćcia i adsiul biarecca jahony vialiki aŭtarytet.
Tamu mahu skazać adnaznačna, što nie pa toj celi bjuć! Hetaje zvalnieńnie — udar nie pa Šviedu ci «Hrodnaznaŭstvie», a pa ŭniviersitecie pieradusim.
Na Słavu lažyć vielizarnaja nahruzka jak na prafiesaru. A ciapier jaho aśpiranty zastanucca biez kiraŭnika? Chto dalej budzie zajmacca ichnymi temami?
Da taho ž u jaho byli vialikija płany pa mižnarodnym supracoŭnictvie: z Polščaj, Łatvijaj. Jon paśpiachova pryciahvaŭ prajekty. I voś chutka pryjeduć tyja samyja łatyšy i zachočuć sustrecca va ŭniviersitecie z kim? Biezumoŭna, z prafiesaram Šviedam!
Kamientary