Pryčynu śmierci biełaruskaha hramadskaha dziejača Ramana Vajnickaha vyśvietliŭ pieršasny dyjahnaz — u jaho spyniłasia serca.
«Čamu spyniłasia serca, ekśpierty zmohuć vyśvietlić praź piać-šeść miesiacaŭ, kali budzie praviedziena padrabiaznaje rasśledavańnie»,— paviedamiŭ partału balsas.lt pradstaŭnik Vilenskaj akruhovaj prakuratury Rałandas Imbrasas.
6 sakavika Vajnicki skazaŭ žoncy, što idzie ŭ padvał, i nie viarnuŭsia. Zaniepakojenaja žonka sama spuściłasia ŭ padvał i znajšła tam muža sa źviazanymi rukami i nahami i zaklejenym rotam. Miedyki, što pryjechali na miesca zdareńnia, kanstatavali śmierć. Pavodle palicyi, na ciele vyjaŭlenyja krovapadcioki i drapiny.
«Jany mahli ŭźniknuć ad taho, što jon lažaŭ na ziamli. Čamu złačyncy jaho źviazali — vyśviatlajecca», — zapeŭniŭ Imbrasas.
Prakuror Imbrasas, jaki kuryryje rasśledavańnie spravy, kaža, što balšynia śviedkaŭ užo apytanyja:
«Čałaviek pracavaŭ na niekalkich pracach, mieŭ šmat kantaktaŭ, dyk ludziej, jakija niešta viedajuć, nie brakavała».
Pavodle Imbrasasa, nivodzin sa śviedkaŭ niepasredna nie čuŭ, kab Vajnickamu niechta pahražaŭ: «Jany tolki čuli pra hetyja pahrozy, ale pra kankretnyja abstaviny nie kazali».
Pavodle prakurora, koła padazravanych vyjaŭlenaje, adnak padstavaŭ dla zatrymańnia i aryštu choć by adnaho čałavieka pakul niama. Pravaachoŭnyja orhany daśledujuć roznyja viersii, i niekalki ź ich užo byli adchilenyja.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar20
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku44
Kamientary