Scenar filmu «Krapavy baret» atrymaŭ treciuju premiju na konkursie «Biełaruśfilmu».
Na konkursie scenaroŭ, praviedzienym «Biełaruśfilmam», treciaje miesca zaniaŭ scenar «Krapavy baret». «Heta pryhodnicki film, bajavik», – kaža aŭtar scenaru Alaksandar Debaluk.
U 2003 hodzie A. Debaluk jak kiraŭnik studyi «Navihatar» byŭ pradusaram karciny Andreja Kudzinienki «Akupacyja. Misteryi».
– Čamu vy skłali scenar mienavita pra specnazaŭcaŭ?
– Jość filmy pra lekaraŭ, lotčykaŭ, dyk čamu nie pra specnazaŭcaŭ? – adkazaŭ A. Debaluk.
Karcina pakul nie zaćvierdžanaja da vytvorčaści. Idzie dapracoŭka scenaru.
Pieršuju premiju na konkursie scenaroŭ atrymaŭ vajskovaja drama «Dniaproŭski rubiež» Alaksieja Dudarava, druhuju – paślavajennaja drama «Lida» Lizy Trusievič, a treciaje miesca z «Krapavym baretam» padzialili meladrama pra starych «Za kachańniem kachańnie» i pryhody «Nieŭmiručaść kaštuje nam žyćcia».
Darečy, Alaksandar Debaluk skončyŭ Mienskuju Suvoraŭskuju vučelniu razam z Paŭličenkam, a paśla Vyšejšuju vajskova-palityčnuju vučelniu.
Kamientary