Sudździa Mahiloŭskaha abłasnoha suda Mikałaj Hładki 28 lutaha pakinuŭ biez zadavalnieńnia skarhu arhanizatara «Słavianskaha maršu» Dźmitryja Dzienisienki na pastanovu suda Leninskaha rajona Mahilova, jaki aštrafavaŭ jaho na 3 młn. rubloŭ.
25 listapada 2012 hoda ŭ Mahilovie prajšoŭ sankcyjanavany ŭładami «Słavianski marš». 7 śniežnia milicyja vystaviła Dzienisienku abvinavačańnie ŭ administracyjnym pravaparušeńni, bo dvoje ŭdzielnikaŭ akcyi byli ŭ maskach. 16 studzienia 2013 hoda sudździa Leninskaha rajona Taćciana Rubis pryznała arhanizatara akcyi vinavatym u parušeńni paradku praviadzieńnia šeścia i mitynhu i aštrafavała jaho na 30 bazavych vieličyń (3 młn. rubloŭ).
Jak zajaviŭ u čaćvier na sudzie Dźmitryj Dzienisienka, milicyja naładziła suprać jaho pravakacyju, a sud pieršaj instancyi prachodziŭ z «abvinavačvalnym uchiłam». Jon adznačyŭ, što zaklučyŭ płatny dahavor ź milicyjaj ab tym, što jana budzie achoŭvać hramadski paradak padčas akcyi. Razam z tym supracoŭniki milicyi nie ŭkazvali jamu na toje, što chtości znachodzicca ŭ maskach. «U toj ža čas jany nie dapuskali na mitynh pažyłych ludziej biez usialakich masak», — skazaŭ Dzienisienka.
Pryčym milicyjaniery adciahvali jaho razmovami ab niedapuščalnaści vykarystańnia na hetaj akcyi histaryčnaj simvoliki — «impierskaha» ściaha Rasii, chacia nidzie ŭ zakanadaŭstvie, pavodle słoŭ Dzienisienki, takoj zabarony niama.Arhanizatar akcyi taksama adznačyŭ, što ŭ jaho kiepski zrok i jon moh nie ŭbačyć ludziej u maskach.
Sudździa, zasłuchaŭšy dovady zajaŭnika, nie znajšoŭ padstaŭ dla zadavalnieńnia skarhi Dzienisienki i źmianieńnia pastanovy Leninskaha suda pa hetaj spravie.
-
U Krupskim rajonie treci tydzień šukajuć źnikłuju žančynu. Pošuki vyjšli na masavy ŭzrovień
-
Siłaviki stvaryli ŭ sacsietkach akaŭnt ad imia pamierłaj babuli dobraachvotnika, jaki zmahajecca za Ukrainu
-
«Z zaradkami ŭsio z samaha pačatku pajšło nie tak». Biełarus raskazaŭ, jak jeździŭ na elektrakary ź Minska ŭ Taškient
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary