Kalady adśviatkavali ŭ amierykanskim Saŭt-Ryviery, što ŭ Ńju-Džersi.Haradok, darečy, pakrysie adnaŭlajecca ad nastupstvaŭ urahana Sendzi, što paškodziŭ niekalki dziasiatkaŭ damoŭ.
Carkvu sv. Jeŭfrasińni Połackaj upryhožyli kvietkami, pastavili jalinku. Napiaredadni śviata, paśla viačerni, u zali Biełaruska-amierykanskaha hramadskaha centra adbyłasia supolnaja tradycyjnaja kućcia.
U Dzień Chrystovaha Naradžeńnia bahasłužba prajšła ŭračysta pry napoŭnienaj viernikami śviatyni. Dzień byŭ pahodny, soniečny. Ludzi abmieńvalisia padarunkami, śviatočnymi i navahodnimi pažadańniami, viestkami pra žyćcio svajakoŭ u Biełarusi.Ajciec Michaił pračytaŭ malitvu, ludzi padsiłkavalisia smačnaj posnaj ježaj sa šklankaj vina. Carkoŭny chor praśpiavaŭ kaladki, adnu amierykanskuju i niekalki biełaruskich.
* * *
- Saŭt-Ryvier -- horad u centralnaj častcy štata Ńju-Džersi. Biełarusy stali pierasialacca siudy ŭ kancy XIX st. Źbiełarusizavaŭsia Saŭt-Ryvier u pačatku 1950-ch ź pierasialeńniem u jaho niekalkich dziasiatkaŭ biełaruskich emihrantaŭ z łahieroŭ dla pieramieščanych asob u Niamieččynie. Biełarusy zasnavali prychod sv. Jefrasińni Połackaj u jurysdykcyi kanstancinopalskaha patryjarchata, zbudavali carkvu, Biełaruska-amierykanski hramadski centr. U Saŭt-Ryviery dziejničali, i dziejničajuć zaraz, niekalki hramadskich i sacyjalnych arhanizacyj. U rysie horada znachodziacca asobnyja biełaruskija mohiłki.
- Aktyŭnaje biełaruskaje žyćcio praciahvajecca ŭ haradku i pa siońnia. Tak, 25 sakavika 2012 h. u Saŭt-Ryviery adznačyli Dzień Voli, uźniaćciem nacyjanalnaha ściaha kala budynka haradskoha muzieja. U krasaviku adznačali Vialikadzień, u žniŭni 2012 h. prajšoŭ tradycyjny Biełaruski fiestyval, a ŭ listapadzie biełarusy adśviatkavali 40-hodździe pabudovy carkvy
Kamientary