ZŠA i Vialikabrytanija parušajuć mižnarodnyja abaviazacielstvy ŭ adnosinach da Biełarusi. Ab hetym było zajaŭlena na praviedzienaj u Ministerstvie zamiežnych spraŭ sustrečy z pradstaŭnikami pasolstvaŭ Vialikabrytanii i ZŠA, paviedamili BIEŁTA ŭ
U MZS byli zaprošany pradstaŭniki pasolstvaŭ Vialikabrytanii i ZŠA ŭ Biełarusi jak dziaržaŭ — bakoŭ Miemaranduma ab harantyjach biaśpieki ŭ suviazi z dałučeńniem Biełarusi da Dahavora ab nieraspaŭsiudžvańni jadziernaj zbroi (Budapiešcki miemarandum), jaki zarehistravany ŭ AAN u jakaści mižnarodnaha pahadnieńnia.
«U chodzie sustrečy było adznačana, što Vialikabrytanija i ZŠA, uvioŭšy adnabakovyja abmiežavalnyja miery adnosna Biełarusi, parušajuć uziatyja na siabie mižnarodnyja abaviazacielstvy, — paviedamili ŭ źniešniepalityčnym viedamstvie. — U pryvatnaści, u adpaviednaści z artykułam 3 Budapiešckaha miemaranduma Vialikabrytanija i ZŠA ŭ suviazi z dobraachvotnaj admovaj Biełarusi ad statusu jadziernaj dziaržavy «paćviardžajuć Respublicy Biełaruś svajo abaviazacielstva ŭ adpaviednaści z pryncypami Zaklučnaha akta SBSIE ustrymlivacca ad ekanamičnaha prymušeńnia, nakiravanaha na toje, kab padparadkavać svaim ułasnym intaresam ažyćciaŭleńnie Respublikaj Biełaruś pravoŭ, ułaścivych jaje suvierenitetu, i takim čynam zabiaśpiečyć sabie niejkuju pieravahu».
Biełaruś pakidaje za saboj prava pryciahvać uvahu mižnarodnaj supolnaści da fakta parušeńnia Vialikabrytanijaj i ZŠA Budapiešckaha miemaranduma z metaj admovy hetych krain ad prymianieńnia mier ekanamičnaha prymusu ŭ adnosinach da Biełarusi.
Padpisantami Budapiešckaha miemaranduma ad 5 śniežnia 1994 hoda źjaŭlajucca: ź biełaruskaha boku — Alaksandr Łukašenka, z brytanskaha — Džon Mejdžar, z rasijskaha — Barys Jelcyn, z amierykanskaha — Bił Klintan.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach1
Kamientary