Fatohraf usio jašče znachodzicca pad padpiskaj ab niavyjeździe.
Fatohraf Anton Surapin byŭ vyzvaleny ź izalatara KDB čatyry miesiacy tamu. Jon usio jašče znachodzicca ŭ statusie abvinavačanaha, ale na dopyty jaho bolš nie vyklikali. A źviartacca samomu ŭ tuju ŭstanovu ličyć niepryjemnym. Čakaje, što niejkaja jasnaść budzie paśla suda nad pamiežnikam, jaki prapuściŭ šviedski «plušavy desant».
Chłopiec vučycca na 4 kursie žurfaka BDU. Kaža, što nijakich prablem nie maje. I razmovaŭ z administracyjaj pra źniavoleńnie nie było.«Navat dekan Dubovik nie vyklikaŭ, pakul ja sam da jaho nie pryjšoŭ». Surapin źviarnuŭsia da jaho pa kamientar dla artykuła. «A, toj hieroj... » — tolki i skazaŭ Dubovik.
Za studenckuju praktyku Surapin atrymaŭ vosiem bałaŭ.
Fatohraf pieršym vystaviŭ zdymki plušavych miadźviedzikaŭ, jakich skidali šviedy z samalota 4 lipienia. Za heta jaho aryštavali i abvinavacili ŭ saŭdziele ŭ złačynstvie i niezakonnym pierasiačeńni miažy. Jak akazałasia, toje fota jamu pieradała dziaŭčyna Kacia Skurat ź Ivianca. Pa vyzvaleńni chłopiec publična prapanavaŭ joj ažanicca. Ale historyja nie atrymała praciahu. Ciapier Anton nie choča havaryć pra pryvatnaje žyćcio.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Kamientary