«NN»: novaja staronka

«Našu Nivu» nie ŭklučyli ŭ padpisny kataloh. My daviedalisia pra heta ad čytačoŭ, jakija 15 listapada sprabavali padpisacca na hazetu. Pravieryli: sapraŭdy niama. Pry hetym nijakich paviedamleńniaŭ ad «Biełpošty» Redakcyja nie atrymlivała i hrošy za ŭklučeńnie ŭ kataloh byli pryniatyja ad hazety ŭ zvyčajnym paradku. Sproby dabicca adkazu ŭ «Biełpošcie» pośpiechu nia mieli.«Naša Niva» nikoli nie była ruparam peŭnych palityčnych siłaŭ ci palityzavanym vydańniem. Idziecca nie pra infarmacyjny ŭpłyŭ «NN». Zabarona «NN» — heta syhnał pra zapałochvańnie alternatyŭnaje dumki jak takoj.

«Našu Nivu» nie ŭklučyli ŭ padpisny kataloh. My daviedalisia pra heta ad čytačoŭ, jakija 15 listapada sprabavali padpisacca na hazetu. Pravieryli: sapraŭdy niama. Pry hetym nijakich paviedamleńniaŭ ad «Biełpošty» Redakcyja nie atrymlivała i hrošy za ŭklučeńnie ŭ kataloh byli pryniatyja ad hazety ŭ zvyčajnym paradku. Sproby dabicca adkazu ŭ «Biełpošcie» pośpiechu nia mieli.

Što heta aznačaje?

Ramki dazvolenaha rezka zvužajucca. Charakterna, što adnačasova z «NN», taksama biez papiaredžańnia, u respublikanski kataloh nie ŭklučyli šerah rehijanalnych vydańniaŭ. Spynieńnie raspaŭsiudu niezaležnych vydańniaŭ dziaržaŭnymi manapalistami aznačaje zabaronu luboj infarmacyjnaj palityki, alternatyŭnaj dziaržaŭnaj. Inšadumstva pakul dazvalajecca, ale heta apošniaje, što adździalaje krainu ad tatalitaryzmu.

«Naša Niva» nikoli nie była ruparam peŭnych palityčnych siłaŭ ci palityzavanym vydańniem. Idziecca nie pra infarmacyjny ŭpłyŭ «NN». Zabarona «NN» — heta syhnał pra zapałochvańnie alternatyŭnaje dumki jak takoj.

Prysud niezaležnaj presie vyniesieny z adterminoŭkaj vykanańnia. Heta nachabny i samaŭpeŭnieny sposab zalakvańnia. «A my voś prykryjem vašy hazety, i vy nam ničoha nia zmožacie zrabić».

Što budziem rabić?

Hazety majuć prava vychodzić i raspaŭsiudžvacca. A čytačy majuć prava čytać tyja hazety, jakija chočuć. Heta naturalnyja i zakonnyja pravy. Pravy čałavieka i pravy kultury. Z hetaha my budziem zychodzić. Hałoŭnaje — stajać na svaim i nie stavać na kaleni.

Našy zadačy zastajucca niaźmiennyja. «Naša Niva» — heta pole, na jakim raście nacyja, tvorycca niezaležnaja kultura i ŭzbahačajecca mova, na jakim farmulujucca nacyjanalnyja intaresy.

Vydańnie budzie publikavacca na ciapierašnich umovach da apošniaje mahčymaści i raspaŭsiudžvacca praź lubyja mahčymyja kanały. Pakul hazeta dachodzić praz padpisku i «Sajuzdruki», šukajcie ich tam. Kali takoj mahčymaści raptam nia stanie, budziem dastaŭlać Vam hazetu praz ułasnuju systemu raspaŭsiudu. Dla hetaha tolki treba, kab usie achvotnyja — i ciapierašnija padpisčyki, i niepadpisčyki — dasłali adrasy, na jakija musić dastaŭlacca hazeta.

Taksama hazeta maje internet-sajt www.nn.by ź lusterkam za miažoju www.bielarus.info. Na Dzień hierojaŭ 27 listapada adčynicca jaho novaja versija — u novym dyzajnie i z novymi funkcyjami.

Paŭstaje novaja idealahičnaja i technalahičnaja sytuacyja. Kali vy adnojčy nie atrymajecie «Našaj Nivy», heta nia značyć, što hazeta pierastała vychodzić. Heta značyć, što vam treba znajści novy sposab jaje atrymańnia.

Pra što heta śviedčyć?

Vyhnańnie hazetaŭ z padpisnoha katalohu pakazvaje, što, pakul budzie taki režym, u krainie nia budzie nijakich praviłaŭ i svabodnych vybaraŭ. Značyć, niezaležnaje hramadzstva moža nia być asabliva pieraborlivaje ŭ pošuku srodkaŭ dla ŭłasnaha vyžyvańnia.

Što ž datyčyć «Našaj Nivy»,rehijanalnych biełaruskamoŭnych hazetaŭ, to heta jašče j kulturnaje złačynstva. Biełaruskaja presa, biełaruskamoŭnyja vydańni, składajuć 15% ad usich vydańniaŭ, ale 60% ad usich zabaronienych vydańniaŭ. Idzie vyniščeńnie biełaruskaj kultury.

Jak heta adabjecca na palityčnaj sytuacyi?

Źniknieńnie niezaležnaj presy i inšyja padobnyja fakty robiać svabodnyja vybary niemahčymymi. Stratehična heta mocna asłablaje sam režym. Dahetul režym, jak by jon ni abmiažoŭvaŭ demakratyi, lehitymizavaŭsia praź nibyta svabodnyja vybary. Zaraz hetaha nia budzie. I heta pryviadzie da asłableńnia jaho lehitymnaści. Pry svabodnych vybarach taki sposab abychodžańnia z medyjami harantuje krach pryŭładnaha režymu.

Čynoŭniki administracyi, zachoplenyja dzialboj majomaści i prajadańniem svaich miljonnych zarobkaŭ, usio dalej adryvajucca ad realnaści. Kali raniej ułada Łukašenki ŭsprymałasia jak dyktatarskaja mienšaściu, pastupova jak takoju jana pačynaje ŭsprymacca ŭsio bolšaj dolaj nasielnictva.

Zachavać niezaležnaść ad takoj dziaržavy

Chaj vyciskańnie «Našaj Nivy» ŭ padpolle budzie navukaj i tym, chto hatovy da damovaŭ z djabłam. Maŭlaŭ, nu i što demakratyja, nu i što niesvaboda. Hałoŭnaje, kab nam zachavali naša kulturnickaje nacyjanalnaje hieta.

Biełaruskaja kultura musić dzialić los svajho narodu. Nacyjanalnaje asiarodździe zapłaciła dyskredytacyjaj i prynižeńniem za absłuhoŭvańnie akupacyjnych režymaŭ u XX stahodździ. Tamu samaje hałoŭnaje — zachavać niezaležnaść ad takoj dziaržavy.

Dla budučyni Biełarusi važna, kab, pobač z łukašenkaŭskimi, rasiejskimi i amerykanskimi, u krainie zachavalisia choć jakija i choć u jakim vyhladzie biełaruskija niezaležnyja medyi.

Jak chto adreahuje?

My viedajem, što našaje vydańnie masava čytali ŭ mnohich dziaržaŭnych orhanach. Delehalizacyja niezaležnaj presy budzie syhnałam usim sumlennym ludziam u dziaržstrukturach.

Jak pratestavać

Adziny pratest, jaki mieŭ pośpiech za apošni čas — heta dasyłańnie listoŭ u Ministerstva infarmacyi (pr.Pieramožcaŭ, 11, 220004, Miensk). Heta mieła efekt u vypadku prypynieńnia «Rehijanalnaj haziety», kali ludzi pačali masava skardzicca.

Toje, što adbyvajecca ź Biełarusiaj ciapier, — heta raspłata za maŭčańnie pry savieckaj uładzie, za adsutnaść ruchu pratestu. Heta vykupleńnie savieckaje viny biełarusaŭ. Ale nichto nia skaža, što biełarusy nie pratestavali suprać Łukašenki.

Z vyklučeńniem «NN» z padpisnoha katalohu budzie adhornuta novaja staronka ŭ historyi hazety. «NN» pačnie pa-inšamu vydavacca i raspaŭsiudžvacca.

A naš hałoŭny pratest — biełaruskaja mova. Na jakoj my musim havaryć usiudy, dzie tolki možna. Movy nie zabaroniš. Movy nie zahłušyš.

U Biełarusi — doŭhaja noč. Trymajmasia movy jak śviečki. Śvitanak niepaźbiežny.

P.S. Pamyłka?

Uviečary ŭ sieradu ŭ Redakcyju patelefanavali ź «Biełpošty» i paprasili nie drukavać infarmacyi pra nieŭklučeńnie «NN» u kataloh. Maŭlaŭ, pytańnie vyrašajecca na vysokim uzroŭni. «Tak, vašaj hazety niama ŭ elektronnaj versii katalohu, ale heta, mahčyma, pamyłka». Kančatkovy kataloh «jašče nie addrukavany» i ciapier vyrašajecca, ci budzie ŭ im «Naša Niva». A jak ža z katalohami na poštach? «Heta varyjanty, razdrukavanyja z elektronnaj versii». Było čuvać, što kala supracoŭnicy «Biełpošty» siadzić niejki mužčyna i padkazvaje joj, jak havaryć. Takim čynam, nieŭklučeńnie «NN» u padpisny kataloh moža akazacca «pamyłkaj». Ci heta sapraŭdy tak, Vy daznajeciesia z nastupnaha numaru.

❏

«NN» maje ŭ ahule 1300 stałych padpisčykaŭ.

❏

Šanoŭnyja padpisčyki i čytačy!

Jak by ni vyrašyłasia hetaja kankretnaja sytuacyja, kab i nadalej harantavana čytać hazetu, što naleta adśviatkuje 100-hodździe, dašlicie na adras Redakcyi svoj dakładny paštovy adras. Tyja, chto dašle svaje kaardynaty ŭ Redakcyju, buduć harantavana atrymlivać hazetu — u kapertach ci inšym čynam — navat kali b joj pryjšłosia drukavacca za miažoj i raspaŭsiudžvacca samastojna. Heta datyčyć i tych čytačoŭ, što pryzvyčailisia kuplać hazetu ŭ šapikach.

Toj, chto hatovy ŭ razie patreby dastaŭlać “NN” u svoj rajon ci kvartał ci inšym sposabam pasiaredničać u raspaŭsiudzie, chto maje idei j prapanovy, kali łaska, taksama skantaktujciesia z Redakcyjaj.

☏ T.: 8-017-284-73-29, mabilnyja: 8-029-707-73-29, 8-029-613-32-32

e-mail: [email protected]

✉ 220050, Miensk, a/s 537

• 0
• 0
• 0
• 0
• 0
• 0
• 0
• 0