Internet-partał www.belaruspartizan.org źmiaściŭ interviju Śviatłany Kalinkinaj ź Siarhiejem Savuškinym. Jon pieršy z «čaćviorki Ihnatoviča», jakaja była asudžanaja pa spravie Źmitra Zavadzkaha, vyjšaŭ na volu.
Savuškina asudzili try hady tamu da 12 hadoŭ pazbaŭleńnia voli, ale jon užo hod, jak na voli. Što za cud? Dziakujučy roznym amnistyjam termin źmienšyŭsia da troch hadoŭ i dzieviaci miesiacaŭ.
Jahony siabar Alaksiej Huz, jakomu dali 25 hadoŭ, siadzić u Voršy. Valer Ihnatovič i Maksim Malik — u Žodzinie na pažyćciovym źniavoleńni. Pavodle Savuškina, Ihnatovič pačuvajecca vielmi błaha.
Pa vychadzie z turmy Siarhiej źjechaŭ u Niamieččynu, dzie prasiŭ palityčnaha prytułku, vydajučy siabie za paciarpiełaha ad čačenskaj vajny. Potym źjechaŭ u Švecyju, dzie raspavioŭ praŭdu. Jaho adpravili nazad u Niamieččynu, niemcy — departavali ŭ Biełaruś.
Pa viartańni jaho vyklikaŭ da siabie śledčy Čumačenka. Savuškin kaža, što Čumačenka patrabuje infarmacyi pra Zavadzkaha, uzamien abiacaje paspryjać adjezdu.
Savuškin nastojvaje, što nia viedaŭ Zavadzkaha da svajho aryštu, i nikoli pra jaho nia čuŭ, i ŭvohule sprava Ihnatoviča «pryciahnutaja za vušy». «Vy dumajecie, Ihnatovič idyjot — sieści ŭ svaju mašynu j sačyć za domam Zavadzkaha? — pytajecca surazmoŭca i sam adkazvaje. — Jon nie idyjot, jon razumny».
Savuškin nakont budučyni nastrojeny pesymistyčna. Jon upeŭnieny, što jaho ciapier albo zabjuć, albo znoŭ pasadziać.
Ciapier čytajuć
Mama Baženy Jaremič, jakaja rychtuje pryhažuń dla Łukašenki, kupiła elitny katedž koštam $837 tysiač26
Kamientary