Pasoł Ukrainy: «Kali ŭkrainskija dzieci, žadajučy atrymać vizu ŭ dziaržavy EZ, i ŭ dalejšym buduć tańčyć pierad konsulstvami hetych krainaŭ, praces ratyfikacyi damovy pra readmisiju pamiž Kijevam i Bruselem moža być uskładnieny».
Tak pasoł Ukrainy pry EZ Raman Špek prakamentavaŭ u čaćvier u Bruseli paviedamleńnie ab prateście dziciačaha kalektyvu «Dzieci Ŭkrainy» pierad konsulstvam Francyi ŭ Kijevie — paviedamiła ŭkrainskaja ahiencyja UNIAN.
U paniadziełak členy kalektyvu — jaki źbiraŭsia jechać u Francyju — pačuli ad dyplamataŭ, što vizy im nie daduć. Pryčyny rašeńnia małym tancoram nie patłumačyli. U aŭtorak «Dzieci Ŭkrainy» znoŭ pryjšli da budynku konsulstva. Hetym razam u sceničnych narodnych strojach i z muzyčnymi instrumentami. Akcyja doŭžyłasia try hadziny.
«Urešcie pracaŭniki francuskaha pradstaŭnictva paprasili baćkoŭ, kab zabrali svaich dziaciej, bo tyja… nervavali konsuła. Vizy byli zroblenyja ad ruki.Znoŭ biez anijakich kamentaroŭ», — paviedamiŭ 5 Kanał.
«Mianie ździŭlaje, što ŭ Kijevie — stalicy i miescy, bahatym na tradycyi, dyplamaty peŭnych eŭrapiejskich dziaržavaŭ hladziać z voknaŭ svaich konsulstvaŭ na vystupy dziciačych kalektyvaŭ. Takija zdareńni anijakim čynam nie pavialičvajuć aŭtarytetu Eŭraźviazu jak uzoru demakratyčnych vartaściaŭ dla ŭkrainskaha hramadztva — skazaŭ ambasadar Špek. — Hetyja incydenty niebiaśpiečnyja, bo dziejańni niekatorych konsulstvaŭ mohuć uskładnić ratyfikacyju zaklučanaj niadaŭna damovy pra readmisiju pamiž Ukrainaj i EZ. I ŭ hetym vypadku adkaznaść za heta budzie nieści EZ».
Raniej analahičnaja sytuacyja zdaryłasia pierad konsulstvam Niamieččyny. Dzieci z choru z Charkava musili tam zaśpiavać, kab dakazać, što jany sapraŭdy ŭdzielniki choru. Ispyt byŭ zdadzieny paśpiachova, i vizy atrymanyja.
Ciapier čytajuć
Ukrainskaja madel zhulała z hruzinskim biznesmienam viasielle ŭ Kanach na 5 miljonaŭ jeŭra. Viadučymi byli Jaŭhien Pierlin i Maksim Hałkin11
Kamientary