Свет

Шварцэнэгер расказаў, як у дзяцінстве яго біў п'яны бацька, «падмануты нацыстамі». І заявіў, што цяпер так падманвае сваіх прыхільнікаў Трамп

Былы губернатар Каліфорніі, рэспубліканец, акцёр Арнольд Шварцэнэгер запісаў відэазварот. Ён раскрытыкаваў дзеянні Дональда Трампа, які адмаўляецца прызнаваць паразу на выбарах, паведамляе meduza.io.

У пачатку прамовы Шварцэнэгер нагадаў, што нарадзіўся ў Аўстрыі ўсяго праз два гады пасля сканчэння Другой сусветнай вайны — і ў дзяцінстве быў аточаны «зламанымі людзьмі, якія спрабавалі з дапамогай алкаголю змагацца з пачуццём віны за дачыненне да найлюцейшага рэжыму ў гісторыі».

«Я ніколі не казаў аб гэтым публічна, таму што гэта балючыя ўспаміны. Мой бацька адзін-два разы на тыдзень прыходзіў дадому п'яны — ён крычаў і біў нас з маці. Але я не ўскладаю ўсю адказнасць за гэта асабіста на яго, таму што тое ж самае са сваёй сям'ёй рабіў наш сусед. І яго сусед — і гэтак далей».

Па словах Шварцэнэгера, такія паводзіны былі абумоўленыя душэўнымі траўмамі. А самі траўмы — выкліканыя ўспамінамі аб тым, што гэтыя людзі бачылі ці рабілі ў часы нацысцкага рэжыму, які «пачынаўся з хлусні і нецярпімасці».

Зараз з дапамогай такой самай хлусні, заявіў акцёр, збірае сваіх прыхільнікаў Дональд Трамп, які адмаўляецца прызнаваць вынікі сумленных выбараў: «Ён спрабаваў здзейсніць пераварот, павёўшы за сабой людзей з дапамогай хлусні. Майго бацьку і яго суседзяў таксама вялі няслушным шляхам з дапамогай хлусні, і я ведаю, куды прыводзіць такая хлусня».

Шварцэнэгер назваў Трампа «горшым прэзідэнтам у гісторыі» і сказаў, што неўзабаве той будзе забыты «як нерэлевантны твіт», а самі ЗША выйдуць з цяперашняга крызісу больш моцнымі — як рыцарскі меч, які становіцца толькі лепш пасля загартоўкі. Разважаючы пра гэта, акцёр дастаў меч Конана-варвара і паказаў яго ў камеру.

На думку Шварцэнэгера, нягледзячы на палітычныя рознагалоссі, усе жыхары ЗША павінны ставіць дэмакратыю і яе прынцыпы на першае месца. Таму цяпер ім неабходна выказаць падтрымку абранаму прэзідэнту Джо Байдэну.

Каментары

Цяпер чытаюць

Беларус з ізраільскага Бат-Яма паказаў сваё жыллё пасля ўдару іранскіх ракет5

Беларус з ізраільскага Бат-Яма паказаў сваё жыллё пасля ўдару іранскіх ракет

Усе навіны →
Усе навіны

Беларускі святар растлумачыў, ці можна дзецям гуляць з шалёна папулярнымі монстрыкамі лабубу8

Што будзе, калі не касіць траву, вышэйшую за 20 сантыметраў?3

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку3

Ізраіль наносіць удары па Іране і Емене4

Трамп і Пуцін гадзіну гаварылі праз тэлефон7

«Чарнагорыя нікому не хоча даваць прытулку». Беларуска расказала пра перавагі і складанасці жыцця ў гэтай краіне1

Іран пагражае перакрыць Армузскі праліў. Чым гэта пагражае Еўропе і свету?19

Падчас ізраільскіх удараў загінуў дарадца аяталы Хаменеі, які летась прылятаў у Мінск1

У Мінесоце напалі на дамы двух палітыкаў-дэмакратаў, ёсць ахвяры7

больш чытаных навін
больш лайканых навін

Беларус з ізраільскага Бат-Яма паказаў сваё жыллё пасля ўдару іранскіх ракет5

Беларус з ізраільскага Бат-Яма паказаў сваё жыллё пасля ўдару іранскіх ракет

Галоўнае
Усе навіны →

Заўвага:

 

 

 

 

Закрыць Паведаміць