Грамадскасць патрабуе спыніць будоўлю рэстараннага комплексу каля Курапатаў
Грамадскасць просіць Генпракуратуру праверыць законнасць будаўніцтва рэстараннага комплексу.
Пад заявай сабрана больш за 300 подпісаў, паведаміла на пасяджэнні грамадскай ініцыятывы «За ўратаванне мемарыялу Курапаты» актывістка Ганна Шапуцька. Заяву ўжо накіравалі ў генпракуратуру, аднак збор подпісаў працягваецца.
У заяве адзначаецца, што Курапатам прысвоены статус гісторыка-культурнай каштоўнасці першай катэгорыі. А гэта, згодна з законам «Аб ахове гісторыка-культурнай спадчыны», адпавядае катэгорыі «найбольш унікальных каштоўнасцяў, духоўныя, эстэтычныя і дакумэнтальныя якасці якіх уяўляюць міжнародную цікавасць».
Падпісанты просяць правесці праверку і вызначыць, хто і чаму змяніў ахоўную зону каля ўрочышча Курапаты з 300 да 100 метраў, на падставе чаго было праведзена змяншэнне ахоўнай зоны, і прыцягнуць вінаватых да адказнасці.Таксама яны патрабуюць прыцягнуць да адказнасьці чыноўнікаў, якія паставілі свае подпісы пад дакумэнтамі аб выдзяленьні ўчастка пад будаўніцтва рэстараннага комплексу.
Таксама аўтары заявы патрабуюць праверыць дзейнасьць кіраўніцтва кампаній-заказчыкаў,«якія будаўніцтвам дадзенага забаўляльнага комплексу ў месцы масавых расстрэлаў нашых продкаў, аб’екта культурна-гістарычнай каштоўнасці рэспубліканскага значэння, абражаюць гістарычную памяць і нацыянальны гонар беларускага народа».
Аўтары заявы патрабуюць спыніць «незаконнае будаўніцтва рэстараннага комплексу» і правесці праверку законнасці ўжывання слова «бульбаш» у назвах фірмаў і прадукцыі на тэрыторыі Беларусі.Яны лічаць, што ўжыванне слова «бульбаш», «гэтак жа як "маскаль" або "чурка", — гэта ў першую чаргу праява ксенафобіі і нацыянальнай нянавісці на побытавым узроўні і парушэнне Канстытуцыі Рэспублікі Беларусь».
Копіі заявы накіраваныя старшыні Камітэту дзяржкантролю Аляксандру Якабсону, старшыні Менаблвыканкаму Барысу Батуру і міністру культуры Паўлу Латушку.
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе6
Каментары