Расійскі «Першы канал»: двое рускіх пабілі пятнаццаць беларускіх спецназаўцаў
У выніковым відэаматэрыяле тэлеканала пад назвай «Саюзны прыгавор» распавядаецца пра судовы працэс над расійскімі грамадзянамі Брэусам і Гапонавым, сведчанні Алеся Міхалевіча, а таксама пра «чорны спіс» культурных дзеячоў, забароненых для паказу і ўзгадвання ў афіцыйных беларускіх медыях:
Адпушчаныя
Двух расейцаў, Івана Гапонова і Арцёма Брэуса, адпусцілі проста ў зале суда. Свабода, вядома, галоўнае. Але непрыемны асадак — іх
19 снежня ў дзень прэзідэнцкіх выбараў двое расейцаў былі ў цэнтры Мінска на шматтысячнай акцыі пратэсту. Іх затрымалі, і разам з сотнямі іншых беларусаў Брэус і Гапон адседзелі 10 сутак. Выйшаўшы з СІЗА, яны ледзь паспелі прыехаць дадому, як іх зноў арыштавалі.
Брэуса і Гапонова паказвалі на беларускім ТБ у фільмах пра змову замежных спецслужбаў супраць Лукашэнкі.
Сам судовы працэс ужо стаў часткай народнага фальклору. Двое рускіх напалі на 15 спецназаўцаў. Гучыць і праўда, як у анекдоце. Але на судзе 15 байцоў сапраўды, распавялі, як іх білі па зубах, тапталі нагамі, нават адабралі шчыты, як быццам яны не крапавыя берэты, а крапавыя берэткі.
19 снежня на плошчы каля Дома ўрада ў Мінску было некалькі тысяч супрацоўнікаў Унутраных войскаў. Беларусь — наогул адна з нешматлікіх краін, дзе міліцыі больш, чым арміі. Спецназ падтрымлівае імідж суровага, непераможнага падраздзялення.
Адзіным доказам таго, што расейцам удалося справіцца з гэтымі хлопцамі, паслужыла відэаздымка. Яе паказвалі не толькі ў эфіры мясцовага ТБ, але і на судзе.
На кожным падобным судовым пасяджэнні ў зале ставяць манітор і паказваюць кадры, знятыя 19 снежня. Яны як бы павінны даказаць віну. Напрыклад, на падставе відэаздымкі
Непрыемны момант для беларускіх уладаў заключаецца ў тым, што гэта ж самае месца атрымалася зняць незалежным журналістам адразу ж пасля разгону акцыі пратэсту. Тут добра відаць, што няма ні сякер, ні арматуры. Гэта відэа з’явілася ў Інтэрнэце 2 месяцы таму. Яго паглядзелі сотні тысяч чалавек, але, мабыць, не тыя, хто выносіць прысуды па справе аб так званых беспарадках у Менску.
«Тое, што цяпер адбываецца, гэта жудасна. Гэта добра, што мы грамадзяне Расеі, за нас расійскае пасольства ваявала. А грамадзяне Беларуссю? Гэта страшна. Абвінавачваюць у тым, што не даказана», — кажа Сабіра Гапонова, маці Івана Гапонова.
Дзясяткі беларускіх палітыкаў і журналістаў да гэтага часу пад следствам. Некаторых выпусцілі пад падпіску аб нявыездзе і неразгалошванні. Былы кандыдат у прэзідэнты Алесь Міхалевіч быў адпушчаны з СІЗА КДБ якраз на такіх умовах.
Міхалевіч публічна адмовіўся працаваць на КДБ. Ён апублікаваў адкрыты ліст, дзе пералічыў усе віды катаванняў, якія да яго ўжываліся.
«Мяне выводзілі ў асобнае вялікае халоднае памяшканне, дзе распраналі дагала, мы стаялі фактычна на шпагаце па 40 хвілін, і гэта ўсё адбывалася, пакуль мы былі голымі», — кажа Алесь Міхалевіч.
На фоне гэтых фактаў іншыя дзеянні беларускіх уладаў не выглядаюць рэпрэсіямі. Аднак Лукашэнка паслядоўна працягвае закручваць гайкі. Напрыклад, у Інтэрнэце з’явіўся чорны спіс дзеячаў мастацтва. Туды трапілі і многія расейцы, у тым ліку, напрыклад, Эдуард Успенскі з усёй сваім творчасцю.
Сярод заходніх артыстаў пад забаронай апынуліся музыкі «Пет Шоп Бойз», акцёр Кевін Спэйс і Джуд Лоў. Яны і пра Лукашэнку ж нічога дрэннага не казалі. Пару слоў пра тое, што свабода лепшая за несвабоду. Хтосьці нават выказаў здагадку, што чорны спіс — гэта розыгрыш.
У гэтую пятніцу ў «Ляпіса Трубяцкога» канцэрт у Маскве. Гэтая беларуская група — адна з нямногіх, папулярных за межамі рэспублікі. Напэўна, другая пасля ансамбля «Песняры».
Музыкі спачатку смяяліся, над тым, што ўзначалілі таямнічы чорны спіс. Але сённяшні канцэрт у Гомелі, на радзіме, нечакана забаранілі, без тлумачэння прычын.
Музыкі будуць дамагацца права на канцэрты, калі прыйдзецца праз суд. Іван Гапонаў таксама вырашыў змагацца, каб яго прызналі невінаватым. Толькі наўрад ці ў судовай апеляцыі ёсць шанец.
5 гадоў таму ў Мінску ўжо быў падобны працэс. І галоўным пацярпелым быў той жа самы спецназавец, нехта Юрый Давідовіч. Толькі раней ён заяўляў, што яго збіла мініяцюрная бландынка Святлана Завадская — жонка зніклага ў Менску аператара ОРТ Дзмітрыя Завадскага. І хоць на гэтых кадрах відаць, што гэта Давідовіч б’е па твары жанчыну, беларускі суд вырашыў наадварот.
Каментары