П’яныя кіроўца і пасажыр на скрадзеным аўто збілі п’янага пешахода
24-гадовы жыхар Гродзенскага раёна ехаў па кветкі і спіртное для каханай, каб адзначыць 8 сакавіка.
24-гадовы жыхар Гродзенскага раёна ехаў па кветкі і спіртное для каханай, каб адзначыць 8 сакавіка.
Увечары 8 сакавіка 24-гадовы жыхар вёскі Навумавічы Гродзенскага раёна вырашыў з’ездзіць у абласны цэнтр па кветкі і спіртное для сваёй дзяўчыны, каб адзначыць 8 сакавіка. У якасці транспартнага сродку рамэа абраў легкавік «Ніва», якая стаяла ў двары аднавяскоўца. Як апынулася, у салоне аўто спаў нецвярозы сябар маладога чалавека, які не адмовіўся наведацца ў Гродна ў якасці пасажыра. Пасведчання кіроўцы ў 24-гадовага маладзёна няма, каму належыць аўто пакуль застаецца нявысветленым.
У горадзе маладыя людзі набылі спіртное, на кветкі грошай у іх не засталося. Але горшае іх яшчэ чакала наперадзе. На зваротным шляху ля павароту на вёску Пышкі «Ніва» збіла пешахода, які нечакана выйшаў на дарогу. Сябры не выклікалі ні «хуткую», ні ДАІ, а вырашылі адвезці пацярпелага да сябе дадому. Але ўжо праз кіламетр ў аўто скончыўся бензін. Толькі тады маладыя людзі звярнулі ўвагу на збітага мужчыну, які сцякаў крывёй на заднім сядзенні. Вось тады яны і вырашылі выклікаць дапамогу, спыніўшы сустрэчнае аўто.
Цяпер чытаюць
17‑гадовы хлопец жыве ў падвале. Ён загарнуўся ў чырвона-зялёны сцяг, каб Лукашэнка звярнуў на яго ўвагу15
Каментары