Атрымалася прысабечыць 90 тысяч рублёў.
Спецыялістка больш за пяць гадоў выносіла з банка грошы, пакуль схему не раскрылі. Падрабязнасці «Белцы» расказалі ў гарадской пракуратуры.
У банк жыхарка Гомеля ўладкавалася ў 2017 годзе. Яна павінна была працаваць з наведвальнікамі, аказваючы стандартны набор паслуг. За наступныя тры гады фігурантка справы добра вывучыла алгарытмы руху, афармлення і захоўвання грошай, якія паступалі ў аддзяленне.
У 2020 годзе была прыдуманая схема вынасу грошай з банка і замятанне слядоў.
Выкрыць работніцу ўдалося толькі ў красавіку гэтага года. За гэты час яна паспела скрасці ў банка больш за 90 тысяч рублёў і патраціць іх на сябе. Падрабязнасці не раскрываюцца, каб у іншых не ўзнікла жадання пайсці па яе слядах.
«Ёй выстаўлена абвінавачанне ў прысваенні маёмасці асобай, якой яна была давераная, у асабліва буйным памеры. Следства завершана, справа накіравана ў суд. Абвінавачанай пагражае ад 3 да 12 гадоў пазбаўлення волі», — пракаментаваў сітуацыю намеснік пракурора Гомеля Павел Чырыкаў.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці31
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары