Беларуская блогерка з'ездзіла з сяброўкамі ў Піцер і перакананая, што засялілася ў кватэру з «палтэргейстам»
Інакш патлумачыць тое, што адбывалася там, дзяўчаты не змаглі.
32‑гадовая Алена з Брэста і яшчэ сем яе сябровак прыехалі на некалькі дзён пагуляць па Пецярбургу. Жанчыны знялі старую кватэру ў гістарычным доме пачатку XX стагоддзя на Рубінштэйна, піша тэлеграм-канал Shot. Калісьці тут жылі вядомыя пісьменнікі і паэты, а зараз на вуліцы шумныя бары. За тры ночы сяброўкі заплацілі 2000 беларускіх рублёў за васьмярых.
Беларускі апісвалі, што амаль адразу ў кватэры пачалі адбывацца дзіўныя рэчы: з каморы даносіліся незразумелыя гукі, рэчы апыналіся не на сваіх месцах, а лямпачка пастаянна мігцела. Праблемы са святлом дзяўчаты спісалі на стары дом. Але іншае не змаглі патлумачыць. Перад шпацырам сяброўкі выставілі ўвесь абутак у калідоры ў лінеечку. А калі, вярнуліся, кажуць, што ўсё было раскідана па пакоі. Гаспадыня, упэўнены яны, не заходзіла б без іх.
Дзяўчаты хацелі з'ехаць у іншую кватэру, але хутка на такую вялікую кампанію нічога не знайшлі, таму засталіся.
Адная з тых турыстак — папулярная блогерка з Брэста Алена Ігнатовіч (у яе 117 тысяч падпісчыкаў у інстаграме). Яна прапануе іншым паслугі раскручвання блогаў. Тая гісторыя ў Піцеры, як аказалася, адбылася яшчэ летась у красавіку — відэа з паездкі захаваліся ў інстаграме Алены.
Цяпер чытаюць
Галоўная рэдактарка гомельскай раёнкі пакаялася за тое, што абвінаваціла гурт «Дразды»13
Каментары
Ці то ў іх там крызіс жанру, ці ўсе іх блогі, даруйце, полтэргейст.