Жыхарка Магілёва купіла на рынку клубніцы, якія прадавец называў мясцовымі. Але падсцеленая пад ягады газета «Лунінецкія навіны» не дала схаваць праўду. Адна ж з каментатарак паста пра гэта ў Threads расказала забаўную гісторыю пра адваротны выпадак, калі праўда выйшла наяў іншым спосабам.
Прадавец з Магілёўшчыны ў Мінску хацеў абавязкова давесці, што ягоны тавар з Лунінца. Што і не дзіўна, бо Лунінецкі раён — нефармальная сталіца беларускіх клубніц, і паходжанне адтуль — своеасаблівы знак якасці.
Аднак жа прадавец не прайшоў самы просты тэст:
«Я родам з Лунінецкага раёна. Пару гадоў таму ў Мінску пытаемся ў прадаўца, адкуль клубніцы?
Ён: «З ЛунінцА (націск на «а»), мы з мужам у голас:
«Зразумела, што прадавец не з ЛУнінца (націск на «у»)
Аказалася, што мелі рацыю, машына на магілёўскіх нумарах».
Правільная назва гэтага горада на ўсходзе Брэсцкай вобласці, як яго называюць мясцовыя жыхары — сапраўды Лу́нінец, хоць немясцовым часта чамусьці карціць сказаць Луніне́ц.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары