На гэтым тыдні эканамічны суд Мінска прыняў рашэнне адносна аматара падзарабіць на заўзятарах хакея.
Нелегальны камерсант не прызнаў віны і ў пацверджанне сваёй праўды прывёў, на яго думку, пераканаўчыя довады, паведаміла Упраўленне аператыўных мерапрыемстваў падаткавай інспекцыі Мінска.
«У мяне адсутнічаў прамы намер на ажыццяўленне незаконнай прадпрымальніцкай дзейнасці … спачатку набываў білеты без мэты іх далейшай перапродажы».
Упраўленне аператыўных мерапрыемстваў паведамляе пра больш чым 60 фактаў продажу білетаў па цане вышэй за намінальную.
У ведамстве зазначылі, што суд вынес пастанову не на карысць мінчука, але якое пакаранне, не піша.
Размова пра матчы мінскага «Дынама» Ў КХЛ, квіткі на гульні якога выклікаюць ажыятаж у беларускіх заўзятараў. Клуб у гэтым сезоне збіраў 39 аншлагаў, а квіткі сапраўды хутка разляталіся.
Каментары