Распрацоўшчык нейрасеткі Claude — стартап Anthropic — прыцягнуў $65 млрд у восьмым раўндзе фінансавання (серыя H). У выніку ацэнка кампаніі вырасла да рэкордных $965 млрд.
Гэта дазволіла абысці галоўнага канкурэнта OpenAI і атрымаць статус самага дарагога ШІ-бізнэсу ў свеце, піша Office Life.
Фінансавы раўнд узначалілі цяжкавагавікі венчурнага рынку: Altimeter Capital, Dragoneer, Greenoaks і Sequoia Capital. У здзелцы таксама ўдзельнічалі найбуйнейшыя сусветныя фонды, уключаючы Temasek і Fidelity, а яшчэ $15 млрд склалі раней пацверджаныя ўліванні ад тэхналагічных гігантаў на чале з Amazon.
Рост цікавасці інвестараў звязаны з паказчыкамі Anthropic. Па словах фінансавага дырэктара кампаніі Крышны Раа, у маі бягучы гадавы даход ШІ-распрацоўшчыка перавысіў адзнаку ў $47 млрд. З моманту папярэдняга раўнда фінансавання ў лютым попыт з боку глабальных карпарацый вырас у некалькі разоў.
Прыцягнутыя мільярды Anthropic накіруе на пашырэнне вылічальных магутнасцяў. Кампанія ўжо падпісала пагадненні на пастаўку 5 ГВт энергіі ад Amazon, аналагічныя кантракты на TPU-чыпы наступнага пакалення з Google і Broadcom, а таксама дамовілася са SpaceX аб арэндзе GPU-масіваў на суперкамп’ютарах Colossus 1 і Colossus 2.
Новы раўнд Anthropic супаў з падрыхтоўкай найбуйнейшых тэхналагічных лістынгаў. Раней стала вядома, што OpenAI плануе восеньскае IPO з мэтавай ацэнкай да $1 трлн на фоне прагназуемага стратаў у $14 млрд за 2026 год.
Дзеянні Anthropic пазбаўляюць стваральнікаў ChatGPT статусу самага дарагога стартапа і ствараюць канкурэнцыю за капітал фондаў. Характэрна, што ў ШІ-гонцы задзейнічана і SpaceX Ілана Маска. Аэракасмічная кампанія, якая нядаўна падала заяўку на IPO, адначасова развівае ўласны стратны ШІ-праект і здае вылічальныя серверы Anthropic.
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары