На Сашу Філіпенку завялі крыміналку за расповед пра ўласную творчасць
Пра завядзенне на яго ў Беларусі яшчэ адной крымінальнай справы пісьменнік Саша Філіпенка сам паведаміў у фэйсбуку.
Па словах Філіпенкі, раніцай 5 лютага ў яго дома ў Мінску правялі ператрус, пасля якога стала вядома, што супраць яго распачалі справу паводле ч. 2 арт. 361 Крымінальнага кодэкса — за нібыта заклікі да дзеянняў, што пагражаюць нацыянальнай бяспецы. Падставай назвалі інтэрв’ю, якое Філіпенка даў ютуб-каналу «Обычное утро».
«Раней у мяне былі толькі розныя кнігі — цяпер розныя крымінальныя артыкулы. Сёння дома прайшоў новы ператрус.
Гэтым разам справа заведзеная паводле арт. 361 ч. 2. Падазраваны Філіпенка Аляксандр Аляксандравіч, паўторна, выкарыстоўваючы інтэрнэт, даў інтэрв'ю пад назвай «Забароненыя кнігі ў Беларусі: чаму нельга чытаць раманы Саша Філіпенкі ці як усё ж такі прачытаць?» на канале «Обычное утро»…
Вы нічога не пераблыталі — паводле новага артыкула мне свеціць яшчэ 5—7 гадоў за тое, што я расказаў пра свае кнігі. Раней на вокладках друкавалі прэміі і ўзнагароды, цяпер можна — артыкулы КК», — напісаў Саша Філіпенка.
Пра першую крымінальную справу супраць Філіпенкі стала вядома ў лютым 2024 года: тады сілавікі праводзілі ператрус у ягонага бацькі ў Мінску і выклікалі таго ў міліцыю. Сам пісьменнік паведамляў, што справа тычыцца артыкула 130 — «распальванне расавай, нацыянальнай, рэлігійнай або іншай сацыяльнай варожасці».
У спіс забароненых у Беларусі ўнеслі яшчэ 32 кнігі. Дзве з іх — Сашы Філіпенкі
Саша Філіпенка пасля забароны продажу «Слана» ў Беларусі выклаў яго ў інтэрнэт
Замест вайны сланы ў новай кнізе Сашы Філіпенкі. І Масква
Філіпенка расказаў, ад колькіх сваіх кніг адмовіўся б і чаму прадаў «Тэслу»
Саша Філіпенка: Ці магчыма ўвогуле, каб усё вярнулася, стала як раней?
«Паверыў прапагандзе і палічыў, што я здраднік». Саша Філіпенка расказаў, што на яго напісаў данос ягоны ж дзед
Каментары