Калеснікава распавяла, чаму яна адмовілася ад сустрэчы з Лукашэнкам у СІЗА КДБ
Юрый Дудзь у інтэрв’ю з Марыяй Калеснікавай спытаў, чаму яе не было на сустрэчы з Аляксандрам Лукашэнкам у СІЗА КДБ 10 кастрычніка 2020 года.
Марыя сказала, што яе не было там, таму што яна адмовілася.
— Сустрэча была ў суботу. Напэўна, у пятніцу ўначы да мяне прыехалі… Мне вельмі не спадабалася сама ідэя таго, што ўначы мяне выводзяць у нейкія там, не ведаю, дзіўныя калідоры, я камунікую з дзіўнымі людзьмі, якія нават не могуць прадставіцца, і пры гэтым яны там задаюць мне пытанне пра магчымасць паехаць на сустрэчу.
Дудзь спытаў, ці сказалі ёй, з кім будзе сустрэча. Калеснікава адказала, што так.
— Гэта было праз месяц пасля майго затрымання. Мне падалося, што гэта вельмі неяк, ну, няправільна. Няправільна ў тым плане, што, ну, што за фармат? То-бок вы мяне пасадзілі, тут прыязджаеце да мяне з нейкімі дзіўнымі размовамі ўначы. А я не разумею, хто вы такія. Вы чагосьці ад мяне хочаце. Я нават тады яшчэ сказала ахоўнікам у турме: «Слухайце, вы павінны мяне, увогуле, абараняць вось ад усіх гэтых людзей. Раз я сяджу ўжо ў турме, усё, каб ужо ніхто да мяне сюды больш не прыходзіў. Хопіць з мяне, ужо пакамунікавала. Ну вось я адмовілася».
Дудзь удакладніў, ці яна адзіная з затрыманых лідараў пратэсту, хто туды не пайшоў?
— Я думаю, што я адзіная, каго спыталі. А я думаю так, таму што я практычна ўпэўненая, што нехта б таксама адмовіўся, калі б была такая магчымасць, але я думаю, што ніхто нават не ведаў, куды яны ўсе ідуць.
-
У Мінску ладзяць вялікі жаночы форум з Хакамадай — квіткі ад 250 рублёў, сярод спікераў псеўданавукоўка
-
«Не магу вызваліць палітзняволеных, але магу палепшыць жыццё аднаго чалавека». Беларуска расказала, як стала прыёмнай маці
-
Пенсіянерка распавяла, як пад відам супрацоўнікаў райвыканкама яе ледзь не аблапошылі махляры
Каментары