На БТ заявілі, што шпіён Уладзімір Усер пісаў з Польшчы ў камісію па вяртанні
Пра нібыта прысланы зварот Уладзіміра Усера (Лазарава) расказалі ў сюжэце тэлеканала «Беларусь 1», які выйшаў 12 студзеня. Пра станоўчае рашэнне ён нібыта даведацца ўжо не паспеў.
Пра смерць 70‑гадовага Усера стала вядома ў пачатку снежня. Прыблізна ў той жа час знік з поля зроку яго сусед Анатоль Вайцяхоўскі, які 12 студзеня з’явіўся ў прапагандысцкім відэа на дзяржаўным тэлебачанні. У роліку сцвярджалася, што перад гібеллю Усер нібыта напісаў заяву ў спецыяльную камісію па вяртанні, але памёр, так і не атрымаўшы адказу.
Прапагандыстка Ксенія Лебедзева паказала ў эфіры ксеракопію дакумента, датаванага 25 верасня 2025 года. У ім Усер нібыта піша, што быў адным са стваральнікаў фільма «Чужое неба», а таксама выказвае раскаянне за ранейшыя публікацыі.
Па словах Лебедзевай, камісія нібыта прыняла станоўчае рашэнне па яго звароце, аднак сам Усер пра гэта ўжо не даведаўся.
Таксама ў відэа паказалі кадры з кватэры Усера, яго медыцынскія дакументы, размытае фота памерлага і, як сцвярджалася, матэрыялы крымінальнай справы, заведзенай супраць яго па абвінавачанні ў шпіянажы.
Анатоль Вайцяхоўскі ў гэтым сюжэце заявіў, што вярнуўся ў Беларусь, бо баяўся за сваё здароўе.
Беластоцкі актывіст Анатоль Вайцяхоўскі, які цішком вярнуўся ў Беларусь, даў інтэрв’ю прапагандыстам
Актывіст з Беластока, які цішком вярнуўся ў Беларусь, быў у кіраўніцтве «Народнай грамады»
Беласток на вушах праз знікненне актывіста Вайцяхоўскага, суседа памерлага шпіёна Усера. А той цішком вярнуўся ў Беларусь
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы
Памятаеце немаладога актывіста, які па дурасці зняўся ў прапагандысцкім кіно БТ? У Польшчы ён уляпаўся яшчэ і ў шпіянаж
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце5
Каментары