Прэм’ер-міністр Беларусі Аляксандр Турчын падпісаў пастанову Савета Міністраў «Аб ільготным забеспячэнні лекавымі сродкамі і перавязачнымі матэрыяламі», паведамляе прэс-служба ўрада.
Дакумент, як заяўляецца, скіраваны на паляпшэнне сістэмы ільготнага забеспячэння лекамі, а таксама на ўзмацненне сацыяльнай падтрымкі асобных катэгорый грамадзян, якія пакутуюць ад цяжкіх хранічных захворванняў.
Пастановай зацверджана Палажэнне аб парадку бясплатнага і ільготнага забеспячэння лекавымі сродкамі і перавязачнымі матэрыяламі. Таксама вызначаны пералік захворванняў, якія даюць права на бясплатнае атрыманне лекаў па рэцэптах дактароў (у межах пераліку асноўных лекавых сродкаў) пры амбулаторным лячэнні, а таксама на лячэбнае харчаванне.
Асноўныя змены:
- устаноўленая дакладная перыядычнасць атрымання лекаў у аптэках пры прызначэнні іх на працяглы курс лячэння — да шасці месяцаў;
- пашыраная магчымасць атрымання льготных лекаў у межах раёна і вобласці, а не толькі па месцы выпісвання рэцэпту, як было раней;
- павялічаныя паўнамоцтвы і абавязкі медыцынскіх работнікаў у забеспячэнні льготнымі лекамі жыхароў сельскіх населеных пунктаў, дзе няма аптэк (да гэтага часу там прадаваліся лекі толькі за поўны кошт);
- дзейны пералік захворванняў для льготнага лекавага забеспячэння пры амбулаторным лячэнні дапоўнены 12 новымі пазіцыямі, у тым ліку рэдкімі генетычнымі і хранічнымі сістэмнымі хваробамі;
- для шэрагу захворванняў, якія ўжо былі ў пераліку, адмененыя ўзроставыя абмежаванні на атрыманне льготных лекаў.
Пастанова пачне дзейнічаць праз тры месяцы пасля яе афіцыйнага апублікавання.
Ваша хранічная стомленасць можа быць закладзена ў генах. Навукоўцы спадзяюцца знайсці лячэнне
Як доўга можна прымаць антыдэпрэсанты?
Мужчына нечакана вылекаваўся ад ВІЧ пасля перасадкі звычайных ствалавых клетак
Ашвагандха, жэньшэнь, фулерэн… Таблеткі «для імунітэту» і «для мозгу»: што з гэтага рэальна працуе? Адказаў псіхіятр
Цяпер чытаюць
Жонку аднаго з галоўных турэмшчыкаў Беларусі пасадзілі ў калонію за ўдзел у пратэстах5
Каментары