Дональд Трамп заявіў, што Іран запрасіў перамовы з ЗША на фоне жорсткага падаўлення пратэстаў. Але, дадае Трамп, магчыма, ЗША павінны будуць умяшацца раней.
Іран, відаць, перасякае чырвоную лінію, жорстка падаўляючы пратэсты, заявіў прэзідэнт ЗША Дональд Трамп журналістам на борце Air Force One. Яго словы апублікаваў пул Белага дома.
«Яны пачалі, падобна, [перасякаць чырвоную лінію]. Здаецца, былі забітыя людзі, якіх не варта было забіваць. Яны жорсткія [у кіраўніцтве Ірана] — можаце называць іх лідарамі, я не ведаю, ці можна іх назваць лідарамі. Думаю, яны кіруюць з дапамогай гвалту. Але мы вельмі сур'ёзна да гэтага ставімся, вайскоўцы таксама. І ёсць некалькі варыянтаў», — сказаў Трамп.
Паводле яго слоў, іранскае кіраўніцтва запрасіла перамовы з ЗША.
«Магчыма, нам прыйдзецца дзейнічаць да сустрэчы. <…> Сустрэча знаходзіцца на стадыі арганізацыі. Іран патэлефанаваў. Яны хочуць весці перамовы», — кажа ён.
Па інфармацыі Axios, амерыканская праваабарончая арганізацыя HRANA пацвердзіла смерць больш за 544 чалавек за апошнія два тыдні і арышт больш за 10 тыс. чалавек падчас пратэстаў па ўсім Іране.
Axios піша, што ўнутры амерыканскай адміністрацыі прайшлі першыя сустрэчы для абмеркавання спосабаў падтрымкі пратэстаў. Сярод варыянтаў — «ваенныя ўдары ЗША па цэлях іранскага рэжыму», а таксама кібератакі і інфармацыйныя аперацыі супраць Тэгерана.
Іранскія чыноўнікі ў адказ паабяцалі, што Тэгеран будзе атакаваць ваенныя базы ЗША ў рэгіёне, калі Трамп аддасць загад аб нападзе.
Цяпер чытаюць
«Я думаў, мяне не можа нічога здзівіць». На фудкорце ў мінскім ГЦ зрабілі платныя сталы3
Каментары
дождался пока убили около 1000 людей а десятки тысяч ближайшие пару дней погибнут в тюрьмах.
не надо было тогда изначально людей обнадёживать о помощи, если яиц не хватает слово держать. тогда и претензий ни у кого небыло.
Калі нарцыс гаворыць, што з ім ужо выйшлі на сувязь, але ў яго ёсць іншыя варыянты - гэта значыць даслоўна іншае:
"Выходзьце са мной на сувязь, бо я за сябе не адказваю. Мне трэба сдзелка"
Але гэта звычайны гопніцкі маналог з Аўтазаводской, дзе каб аджаць - трэба напужаць. Звычайны гоп-стоп 90-ых. І Трамп такі ў ва ўсім. Напужаў сваю краіну; напужаў нас і Украіну; напужаў дыктатараў Лацінскай Амерыкі; напужаў маскалей; зараз пужае іншых...
Гэта проста клоун. Як лука па-сутнасці.