У раёне Запарожскай атамнай электрастанцыі ўстанавілі часовае лакальнае перамір’е паміж Расіяй і Украінай. Пра гэта паведамляе агенцтва Reuters са спасылкай на генеральнага дырэктара МАГАТЭ Рафаэля Гросі.
Паводле кіраўніка МАГАТЭ, бакі дамовіліся аб прыпыненні баявых дзеянняў у гэтым сектары на некалькі дзён.
Галоўная мэта паўзы — даць магчымасць аварыйным брыгадам правесці тэрміновы рамонт ліній электраперадач, якія забяспечваюць бяспеку станцыі і рэгіёна.
Часовае спыненне агню павінна гарантаваць бяспеку тэхнічнага персаналу падчас выканання прац на пашкоджаных аб’ектах энергетычнай інфраструктуры.
Каментары