У Беларусі абнавілі спіс раёнаў, дзе ў 2026 годзе будзе найбольш складаная абстаноўка на рынку працы. Як гаворыцца ў пастанове на Нацыянальным прававым партале, складаней за ўсё будзе знайсці працу ў раёнах Віцебскай і Магілёўскай абласцей.
Здымак ілюстрацыйны. Крыніца: «Светлае жыццё»
У абноўлены спіс было ўключана ўсяго 10 раёнаў, дзе будзе складаней знайсці працу. У 2025 годзе у аналагічным спісе было 23 раёны.
Пры гэтым у Магілёўскай вобласці трапіў у спіс усяго адзін раён — Слаўгарадскі.
У той жа час у Віцебскай вобласці напружаная сітуацыя на рынку працы будзе назірацца адразу ў дзевяці раёнах: Верхнядзвінскім, Дубровенскім, Лёзненскім, Мёрскім, Расонскім, Сенненскім, Талачынскім, Ушацкім, Чашніцкім.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары