У Слуцку камунальнікі не прыбіраюць яму на дарозе вакол люка, бо люк у прыватнай уласнасці
У Слуцку мясцовы жыхар звярнуў увагу на небяспечную яму на вуліцы Багдана Хмяльніцкага, якая з’явілася з-за прасадкі люка. Мужчына адзначае, што гэта не проста нязручнасць, а рэальная пагроза бяспецы, бо тут штодня праязджаюць сотні аўтамабіляў. Але ў камунальных службаў ёсць важкая прычына, каб гэты зварот не браць пад увагу, піша «Мінская праўда».
Пасля звароту ў службу «115» мужчыну паведамілі, што люк знаходзіцца ў прыватнай уласнасці, і яго абслугоўванне павінна ажыццяўляцца за кошт уладальніка. Таму заяву закрываюць, бо горад за люк адказнасці не нясе.
«Згодна з актам балансавага размежавання, каналізацыйны калодзеж, размешчаны па вуліцы Багдана Хмяльніцкага, 54, знаходзіцца ў прыватнай уласнасці. У сувязі з гэтым КУП «Слуцкводаканал» не ажыццяўляе яго абслугоўванне.
У адпаведнасці з дзейным заканадаўствам уласнік абавязаны самастойна забяспечваць належнае ўтрыманне і рамонт маёмасці, якая яму належыць, уключаючы каналізацыйныя калодзежы.
Па факце выяўленага правалу асфальту КУП «Слуцкводаканал» рэкамендуе ўласнікам калодзежа аформіць пісьмовы зварот ад імя зацікаўленых асоб з просьбай аб ліквідацыі дэфекту на платнай аснове.
Таксама мэтазгодна звярнуцца ў арганізацыі жыллёва-камунальнай гаспадаркі альбо дарожныя службы для выканання работ на платнай аснове: спецыялісты змогуць скласці каштарыс, заключыць дамову на аказанне паслуг і выканаць неабходны рамонт», — напісана ў адказе «Слуцкводаканала».
У сваю чаргу, КУП «Слуцкае ЖКГ» выехала на месца і дало ўладальнікам калодзежа прадпісанне ліквідаваць прасадку люка.
Каментары