Раней меркавалася, што адной з тэм размовы Дональда Трампа і Уладзіміра Зяленскага сёння ў Белым доме будзе пастаўка Кіеву крылатых ракет «Тамагаўк».
«Нам таксама патрэбныя «Тамагаўкі» для Злучаных Штатаў Амерыкі. У нас іх шмат, але яны нам патрэбныя. Мы не можам высільваць нашу краіну. Яны вельмі важныя. Яны вельмі магутныя. Яны вельмі дакладныя. Яны вельмі добрыя. Але яны нам таксама патрэбныя. Я не ведаю, што мы можам з гэтым зрабіць», — заявіў прэзідэнт ЗША Дональд Трамп на прэс-канферэнцыі ў Белым доме пасля тэлефоннай размовы з расійскім прэзідэнтам Уладзімірам Пуціным, піша Бі-Бі-сі.
Трамп сказаў, што спытаўся ў Пуціна наконт «Тамагаўкаў»:
«Я сказаў Пуціну: «Вы не пярэчыце, калі я дам вашым праціўнікам некалькі тысяч «Тамагаўкаў»? Яму гэтая ідэя не спадабалася».
У пятніцу 17 кастрычніка Дональд Трамп павінен сустрэцца з прэзідэнтам Украіны Уладзімірам Зяленскім у Белым доме. Раней меркавалася, што адной з тэм іх размовы будзе пастаўка Кіеву крылатых ракет Tomahawk.
Як раней заявіў памочнік прэзідэнта Расіі Юрый Ушакоў, Пуцін у тэлефоннай размове папярэдзіў Трампа, што пастаўка ракет Кіеву нанясе істотную шкоду адносінам Расіі і ЗША, не кажучы ўжо пра перспектывы ўрэгулявання ва Украіне.
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію2
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары