Выйшла кніга Вольгі Барышнікавай «І даўней так пелі: музычны фальклор старавераў паўночна-заходняй Беларусі». Яна прысвечаная музычнаму фальклору старавераў Падзвіння, паведамляе тэлеграм-канал «De facto. Беларуская навука».
У кнізе — 45 аўтэнтычных песень (іх можна паслухаць у аўтэнтычным выкананні), расшыфроўкі, этнамузыкалагічныя каментары на беларускай, рускай і англійскай мовах. А таксама рэдкія запісы гутарак і здымкі, сабраныя альбо зробленыя падчас фальклорна-этнаграфічных экспедыцый.
Самыя раннія аўдыязапісы — з 1963 года, а самая старая спявачка, голас якой можна пачуць у выданні, — 1890‑х гадоў нараджэння. Кніга складаецца з трох раздзелаў: «Валачобныя песні», «Крутухі, хараводы, пахадушкі», «Лірычныя песні».
Аўтар кнігі — этнамузыколаг, выкладчык традыцыйнага спеву Вольга Барышнікава, ураджэнка вёскі Германавічы Шаркаўшчынскага раёна.
Цяпер чытаюць
«Калі ўжо сюды прыляціць украінская ракета!» Вызвалены журналіст Яўген Меркіс расказаў пра шклоўскую калонію11
Каментары
А ці падкажа хто працы і аўтараў, якія б даследвалі палякаў і літоўцаў з Паўночна-Заходняй РБ?