Сетка крамаў «Дабраном» запусціла свае аўталаўкі. Пакуль яны працуюць толькі ў адным раёне Віцебскай вобласці, аднак у будучыні кампанія не выключае пашырэння ў іншыя рэгіёны краіны, паведамілі ў тэлеграм-канале Віцебскага аблвыканкама.
Першыя чырвоныя грузавікі з брэндам «Дабраном» ужо выйшлі на маршруты.
Новыя аўталаўкі абслугоўваюць шэсць маршрутаў у Талачынскім раёне, ахопліваючы 93 вёскі з больш чым 3 тысячамі жыхароў. Машыны будуць ездзіць два разы на тыдзень.
Дакладныя маршруты размесцяць на сайце Талачынскага райвыканкама, а асартымент тавараў будзе такі ж, як у невялікіх стацыянарных крамах сеткі. Пры гэтым цэны абяцаюць зрабіць даступнымі, нягледзячы на дадатковыя лагістычныя і аперацыйныя выдаткі.
Аплаціць пакупкі можна будзе як наяўнымі, так і карткамі. Жыхарам вёсак таксама прапануюць магчымасць загадзя заказваць пэўныя тавары — ад астуджанага мяса пэўнага памеру да свежых гародніны і нават тортаў.
Цяпер чытаюць
Статкевіч апублікаваў фоты іх новага з Марынай Адамовіч дома4
Статкевіч апублікаваў фоты іх новага з Марынай Адамовіч дома
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1111
Каментары