У Беларусі з 1 кастрычніка будзе ўведзена забарона на лоўлю ўсіх відаў рыб на зімавальных ямах. Пра гэта паведамілі ў Беларускім таварыстве паляўнічых і рыбаловаў.
У адпаведнасці з правіламі аматарскага рыбалоўства і правіламі вядзення рыбалоўнай гаспадаркі забараняецца аматарская і прамысловая лоўлю ўсіх відаў рыб на зімавальных ямах з 1 кастрычніка па 15 красавіка.
«У ходзе эвалюцыі рыбы прыстасаваліся да жыцця ва ўмовах значных ваганняў тэмпературы вады. Пры нізкіх тэмпературах у большасці рыб запавольваецца абмен рэчываў, зніжаюцца або спыняюцца рухальная актыўнасць і харчаванне, запавольваецца рэакцыя на раздражняльнікі», — растлумачылі ў таварыстве.
Пералік зімавальных ямаў вызначаны Міністэрствам сельскай гаспадаркі і харчавання сумесна з Нацыянальнай акадэміяй навук.
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі2
Каментары