У Мінску мужчына скраў з касцёла мікрафоны дзеля куфля піва. А потым вярнуў іх — але ў іншы касцёл.
Злодзей прадставіўся турыстам з Расіі.
Жыхар Мінскага раёна быў нападпітку і яму захацелася купіць яшчэ куфаль піва. Грошай асабліва не было, таму 46-гадовы мужчына вырашыў нешта скрасці. У гэты момант ён якраз праходзіў міма касцёла святога Яна Евангеліста на Матусевіча.
Не доўга думаючы, мужчына разбіў акно, прабраўся ў касцёл і скраў кейс з мікрафонамі на тысячу рублёў, піша «Мінск-Навіны».
На наступны дзень мужчына працверазеў і вырашыў мікрафоны вярнуць. Але, як ён сцвярджае, спалохаўся — у касцёле было занадта шмат людзей.
Праз некалькі дзён ён усё ж змог вярнуць скрадзенае. Але не ў той касцёл. Мужчына прыйшоў у парафію Божага Цела на Герасіменкі і аддаў мікрафоны ксяндзу ў якасці ахвяравання. Жыхар Мінскага раёна прадставіўся турыстам з Санкт-Пецярбурга.
Тым не менш хутка злодзея знайшлі і затрымалі. Аказалася, раней яго ўжо асудзілі за крадзеж. У выніку суд прызначыў яму 2 гады выпраўленчых прац. Увесь гэты час у яго будуць штомесячна спісваць 20% заробку, але не менш за базавую велічыню.
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары