Прэм'ер-міністр Арменіі нагадаў, што краіна ўзяла курс на еўраінтэграцыю.
Прэм'ер-міністр Арменіі Нікол Пашынян не выключыў, што краіна ў будучыні можа выйсці з ЕАЭС.
Кіраўнік армянскага ўрада адзначыў, што краіна ўзяла курс на еўраінтэграцыю, а ўдзел адначасова ў двух такіх аб'яднаннях наўрад ці магчымы, піша pastinfo.am.
«Мы разумеем, што адначасовае членства ў ЕС і ЕАЭС немагчымае, і калі наступіць момант, калі выбар стане непазбежным, мы прымем рашэнне», — сказаў Пашынян.
У ЕАЭС, акрамя Арменіі, уваходзяць Беларусь, Казахстан, Кыргызстан і Расія. Адносіны Ерэвана з Мінскам і Масквой у апошні час рэзка пагоршыліся з-за падтрымкі, якую ўлады Беларусі і Расіі аказвалі Азербайджану.
У выніку Арменія замарозіла сваё членства ў АДКБ. А сам Пашынян на апошніх самітах ЕАЭС у Маскве і Мінску ўдзельнічаў толькі па відэасувязі.
Адначасова Арменія афіцыйна ўзяла курс на інтэграцыю з Еўрасаюзам і прыняла закон аб намеры ўступіць у ЕС. У расійскім МЗС Ерэван ужо папярэдзілі пра тое, што быць удзельнікам адначасова ў ЕС і ЕАЭС не атрымаецца.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна
Лукашэнку пасадзілі на Парадзе ў Маскве з Пашынянам, а Сі Цзіньпіна з Пуціным
Лукашэнка панаракаў, што Арменіі няма на саміце АДКБ
Пашынян: АДКБ стварае пагрозы для бяспекі Арменіі
Расія выявіла «масавыя парушэнні» ў армянскім каньяку пасля заяў Пашыняна аб выхадзе з АДКБ
Чаму Пашынян стаў рэзка крытыкаваць Лукашэнку?
Арменія разглядае ідэю ўступлення ў Еўрасаюз
Каментары