Паліцыя Арменіі затрымала па падазрэнні ў падрыхтоўцы тэракту сямёх чалавек, звязаных з прарасійскай апазіцыйнай партыяй. У іх дамах праведзены вобшукі, паведамляе Расійская служба Радыё Свабода.
Затрыманыя з'яўляюцца членамі партыі Армянская рэвалюцыйная федэрацыя (АРФ), таксама вядомай як Дашнакцуцюн. Гэтая партыя ўваходзіць у прарасійскую парламенцкую кааліцыю «Альянс Арменія» пад кіраўніцтвам былога прэзідэнта Арменіі Роберта Качарана.
Следчы камітэт Арменіі паведаміў, што затрыманыя сем чалавек, аднаму з іх ужо выстаўлена абвінавачанне ў падрыхтоўцы тэрарыстычнага акту. Імёны затрыманых не раскрываюцца. Паводле інфармацыі АРФ, вобшукі працягваюцца ў дамах шэрагу дэпутатаў, адзін парламентарый і сын іншага арыштаваныя.
Апазіцыя назвала тое, што адбываецца, палітычна матываваным пераследам і асудзіла дзеянні ўладаў. Арышт супаў з сустрэчай у Абу-Дабі паміж прэм’ер-міністрам Арменіі Ніколам Пашынянам і прэзідэнтам Азербайджана Ільхамам Аліевым, прысвечанай абмеркаванню дэталяў мірнага пагаднення, якое павінна пакласці канец канфлікту паміж дзвюма краінамі.
З моманту прыходу да ўлады ў Арменіі пасля масавых пратэстаў у 2018 годзе Пашынян узяў курс на збліжэнне з Захадам, аддаліўшыся ад традыцыйнага саюзніка — Расіі.
У апошнія тыдні ў Арменіі ўзмацніўся ціск на палітычных апанентаў і крытыкаў цяперашняга палітычнага кіраўніцтва. Пад удар трапілі як прадстаўнікі апазіцыі, так і вядомыя грамадскія дзеячы, у тым ліку архіепіскап Армянскай апостальскай царквы Баграт (у мірскім жыцці — Вазген Галстанян). Іх абвінавачваюць у падрыхтоўцы дзяржаўнага перавароту, што яны катэгарычна адмаўляюць.
Ціханоўскі расказаў, што трэба было рабіць у жніўні 2020-га62
Каментары