У Беларусі прызналі «экстрэмісцкай» старонку польскага прафесійнага фатографа Міхала Косця, які здымае беларускія акцыі і міграцыйны крызіс на мяжы. Гаворка пра інстаграм-старонку michalkosc, якая мае больш за 600 падпісчыкаў, піша «Вясна».
Як пазначана ў апісанні, Міхал Косць — член Асацыяцыі польскіх мастацкіх фатографаў, фатограф Польскага агенцтва фатографаў FORUM. На яго старонцы, сярод іншага, фотаздымкі з беларускіх акцый салідарнасці ў Польшчы, а таксама пра міграцыйны крызіс на мяжы Беларусі і Польшчы. Рашэнне аб прызнанні старонкі «экстрэмісцкай» прыняў суд Пухавіцкага раёна 8 ліпеня.
Таксама «экстрэмісцкі спіс» папоўнілі:
- інстаграм-старонкі sherry15_, v_itali_ty» denis.vetoshkin, shine_safronova;
- старонка ў «Аднакласніках» «Иваново»;
- старонкі ў тыктоку «Алексей Романов», «Голос Ваканды».
Цяпер чытаюць
«Засяроджуся на працы з ЗША». Ціханоўскі расказаў пра свае палітычныя планы на 2026 год42
Каментары