Сёння раніцай у мікрараёне Серабранка ў Мінску ўтварыўся імправізаваны «фантан». Ён не проста прыгожа біў у паветра, але і абліваў вадой аўтамабілі, што праязджалі міма (верагодна, не толькі вадой), піша Onliner.by.
«Гэта на праспекце Ракасоўскага, каля дома 25/2, — расказаў нам відавочца. — Дата і час на відэа дакладныя. Фантан з’явіўся ў месцы, дзе вядзецца рамонт цеплатрасы».
«Стаялі дзве машыны з уключанай «аварыйкай», — дадаў чытач. — Магчыма, пашкодзіла лакафарбавае пакрыццё камянямі».
Інцыдэнт пракаментавалі ў адміністрацыі Ленінскага раёна: «А 08:40 у дыспетчарскую службу ЖКГ паступіла інфармацыя пра ўцечку вады на праспекце Ракасоўскага, 25/2. Да месца была накіравана аварыйная брыгада, а ў 09:40 спецыялісты лакалізавалі пашкоджанне».
Цяпер чытаюць
Лукашэнка загаварыў пра прарасійскасць Ціханоўскага, баючыся назваць яго імя40
Каментары