Жыхарка Гомеля Наталля зайшла ў краму «Еўраопт», каб купіць беларускія грушы, але не знайшла ніводнай. Усе былі замежныя: з Бельгіі, Паўднёвай Афрыкі і Аргенціны, піша BG.Media.
Наталля зняла відэа і выклала ў тыктоку, дзе паказала цэны: самыя дарагія — бельгійскія (8,49 рубля за кілаграм), астатнія — крыху таннейшыя (ад 7,49 да 7,69 рубля).
Карыстальнікі ў каментарыях разышліся ў меркаваннях. Адныя абураліся высокімі коштамі і адсутнасцю беларускіх груш, кажучы, што гэта вынік 30 гадоў цяперашняй улады. Іншыя ж паставіліся з разуменнем: маўляў, чэрвень — не сезон для айчынных пладоў, таму грушы з-за мяжы — гэта нармальна.
Некаторыя беларусы пішуць, што лепш пачакаюць свайго ўраджаю, чым будуць купляць дарагую замежную садавіну. Іншыя жартуюць: маўляў, мяняем трактары на афрыканскія грушы.
У выніку — пакуль што беларусам застаецца чакаць жніўня, калі на паліцах з'явяцца свае грушы. І, можа быць, па больш даступных коштах — хоць гэта не гарантавана.
Дэпутаты тэрмінова адобрылі штрафы за адсутнасць бульбы ў крамах
Мінгандлю ўгледзела на Камароўцы агуркі і памідоры па 40 рублёў і неадкладна прарэагавала
У свеце існуе толькі адна краіна, здольная цалкам забяспечваць сябе ежай
«Праца цяжкая, але плён натхняе». Сёлетні клубнічны сезон працягнецца даўжэй, чым звычайна
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары