Пуцін заявіў, што гатовы сустрэцца з Зяленскім, але падпісваць з ім нічога не будзе
«Нам усё роўна, хто вядзе перамовы, я нават гатовы сустракацца», — сказаў прэзідэнт Расіі.
Уладзімір Пуцін заявіў пра гатоўнасць да перамоваў з Уладзімірам Зяленскім, аднак адмаўляецца прызнаваць дзейнага прэзідэнта Украіны легітымным для падпісання любых дамоўленасцяў. Пра гэта прэзідэнт Расіі заявіў падчас сустрэчы з прадстаўнікамі сусветных інфармацыйных агенцтваў, піша РІА «Навіны».
Падчас выступу Пуцін заявіў, што Расія нібыта не адкідае магчымасці мірных перамоваў і ён асабіста «гатовы сустракацца з усімі», у тым ліку і з прэзідэнтам Украіны Уладзімірам Зяленскім.
Аднак, крамлёўскі лідар заявіў, што Зяленскі, на яго думку, не мае законных паўнамоцтваў для падпісання любых міжнародных дакументаў.
«Нам усё роўна, хто вядзе перамовы, я нават гатовы сустракацца. Але калі будзе завяршальны этап… подпіс павінен стаяць легітымнай улады», — заявіў Пуцін, намякаючы на тое, што лічыць дзейнага прэзідэнта Украіны непрыдатным для заключэння міжнародных дамоўленасцяў.
Тлумачачы сваю пазіцыю, Пуцін зноў спаслаўся на нібыта палажэнні Канстытуцыі Украіны, дзе нібыта напісана, што паўнамоцтвы прэзідэнта Зяленскага ўжо скончыліся.
Пуцін заявіў, што Украіна нібыта з'яўляецца «прэзідэнцка-парламенцкай рэспублікай», у якой «усе органы ўлады фармуюцца прэзідэнтам», што, на яго думку, аўтаматычна ставіць пад сумнеў легітымнасць усёй украінскай улады.
-
Зяленскі правёў кансультацыі з камандзірамі карпусоў і доўга размаўляў з Фёдаравым. Фёдараў: Дыялог ёсць, веру, што ўсё ўдасца
-
Жонка закаціла скандал, а ён усё адно паехаў у акопы. Гісторыя беларуса, які апынуўся на вайне праз даўгі і страх страціць жыллё
-
Пасля атакі па двух складах Wildberries маглі пацярпець да 15% складскіх плошчаў кампаніі
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары
Зачем встречаться президентам, если они не будут ничего подписывать?
Пусть встречается с Исинбаевой или Львовой-Беловой, если ему так хочется с кем-то встретиться.