У Маладзечне 13-гадовая дзяўчынка закахалася ў 16-гадовага старшакласніка. Усё скончылася сумна
13-гадовая дзяўчынка закахалася ў 16-гадовага старшакласніка. Неўзабаве яны пачалі сустракацца, разам гуляць, перапісвацца.
У Маладзечне 13-гадовая дзяўчынка закахалася ў 16-гадовага старшакласніка. Неўзабаве яны пачалі сустракацца, разам гуляць, перапісвацца. Пазней юнак стаў патрабаваць ад каханай інтымныя фота і відэа, паведамляюць Мінск-навіны.
Дзяўчынка пагадзілася. З верасня 2021-га па май 2022-га дзяўчынка зняла і адправіла свайму хлопцу сем фатаграфій і чатыры відэаролікі інтымнага характару. Пасля заканчэння іх адносін у траўні хлопец падзяліўся гэтымі «матэрыяламі» са сваім сябрам.
Далей інфармацыя хутка разляцелася па школе. У верасні непаўналетнюю чакала «пекла» — папаўзлі чуткі пра яе лёгкія паводзіны.
«У імгненне вока яе асабістае жыццё стала здабыткам грамадскасці, ператварыўшыся ў прадмет кпінаў і асуджэння. Школа, якая павінна была быць месцам падтрымкі і развіцця, ператварылася ў поле бітвы, дзе кожны шаптаў за спіной, а аднакласнікі адварочваліся», — патлумачыў прадстаўнік СК Андрэй Сухадольскі.
Дайшлі чуткі і да міліцыі. У дачыненні да ўжо 17-гадовага юнака распачалі крымінальную справу па чч. 2, 3 арт. 343 (заўв. 1 КК) выраб і распаўсюд парнаграфічных матэрыялаў або прадметаў парнаграфічнага характару з выявай непаўналетняга».
Суд прысудзіў маладога чалавека да 5 гадоў і 6 месяцаў пазбаўлення волі. Юнак так і не раскаяўся ў зробленым.
Каментары
І вас не здзівіла, што ёй, за ВЫРАБ парнаграфічных матэрыялаў нічога не далі?