Такія тэмпы сталі рэкорднымі з часоў культу асобы савецкага лідара, піша тэлеграм-канал «Можем об'ясніть».
Напярэдадні гарэльеф «Падзяка народа правадыру-палкаводцу», знішчаны пры Хрушчове, быў адноўлены на станцыі «Таганская» і стаў ужо сёмай фігурай Сталіна, усталяванай у краіне за гэты май. Гэта абсалютны рэкорд па тэмпах узвядзення помнікаў Сталіну з часоў культу асобы.
За майскія святы фігуры Сталіна з’явіліся ў пяці населеных пунктах — Серпухаве, Улан-Удэ, Мажайску, вёсцы Амірова і пасёлку Кадуі, а таксама ў акупаваным Мелітопалі.
Большасць адкрыццяў была прымеркавана да 80-годдзя Перамогі.
Пры гэтым у шэрагу выпадкаў мясцовыя жыхары не падтрымалі ініцыятыву сталіністаў; напрыклад, жыхары вёскі Амірова ў Башкірыі прагаласавалі супраць усталявання бюста, але гэта не перашкодзіла планам мясцовых уладаў — бюст толькі фармальна перанеслі на прыватную тэрыторыю.
2025 год ужо прэтэндуе на лідарства па колькасці ўсталяваных помнікаў Сталіну. Паводле статыстыкі, якую вядзе «МО», за няпоўныя 5 месяцаў у краіне адкрылі восем фігур правадыра (сем — у маі і адну раней). Больш помнікаў з’яўлялася толькі ў 2016 годзе (дзевяць) і ў 2019-м (трынаццаць).
Усяго ў Расіі, паводле падлікаў «МО», усталявана ўжо 123 помнікі Сталіну. Пры гэтым 90% з іх былі адкрыты пры Пуціне.
Цяпер чытаюць
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма7
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары