Лукашэнка пра будучыя вучэнні з Расіяй: Мы ні на каго нападаць не збіраемся
Аляксандр Лукашэнка падчас сустрэчы з міністрам абароны Расіі Андрэем Белавусавым заявіў, што Беларусь і Расія, плануючы правядзенне сумесных вучэнняў, якія пройдуць у тым ліку і на тэрыторыі Беларусі, не маюць намеру нападаць на іншыя краіны, піша БелТА.
«Хачу сказаць, што да вучэнняў мы гатовыя. Нічога ні ад каго не хаваем. Мы сапраўды дэманструем адкрытасць, што гэта нашы вучэнні і носяць абарончы характар. І ні на каго мы нападаць не збіраемся, як там некаторыя лічаць. Ну, гэта іх справа. Няхай лічаць. У нас прынята рашэнне на ўзроўні прэзідэнтаў па правядзенні вучэнняў. З Уладзімірам Уладзіміравічам (Пуціным) мы абмяркоўвалі гэтае пытанне», — сказаў ён.
«Што тычыцца нашай часткі, на палігонах Беларусі — мы гатовыя. Мы гатовыя да таго, каб, куды трэба, вылецець па плане на палігоны Расіі. І наадварот — прыняць расійскія войскі. І правесці сумесныя вучэнні нашай сумеснай групоўкі войскаў, якая створана ў Саюзнай дзяржаве. У гэтым плане Расія можа не хвалявацца. Мы вельмі прыстойна падрыхтуемся. Наша беларуская частка, як і на парадзе, не будзе выглядаць горш за іншыя элементы», — дадаў Аляксандр Лукашэнка.
-
Журналістка «Спутніка» звяртаецца да Лукашэнкі: яе сын паступіў у Вышэйшую школу эканомікі ў Маскве, а дома на яго завялі крыміналку
-
Былы супрацоўнік «Бетэры» запісаў вялікае відэа пра гэта анлайн-казіно. Цяпер у яго праблемы з міліцыяй
-
У Мінску развіталіся з паэтам Уладзімірам Карызнам, аўтарам слоў да цяперашняга дзяржаўнага гімна Беларусі
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары